समर्थ रामदास स्वामींनी स्थापन केलेले 11 मारुती माहिती आहेत का? घरबसल्या घ्या सर्वांचं दर्शन, Photos

चाफळचा दास मारुती - समर्थ रामदास स्वामी यांनी महाराष्ट्रातील 11 ठिकाणी मारुतीची मंदिरे स्थापित केली आहेत. त्यातील पहिले मारुतीचे मंदिर हे चाफळचा वीर मारुती आहे. चाफळ हे ठिकाण उंब्रजवरून साधारण 11 कि.मी. अंतरावर आहे. अंगापूरच्या डोहात सापडलेल्या राममूर्तीची प्रतिष्ठापना समर्थांनी चाफळ येथे केली.

चाफळच्या राम मंदिराच्या पाठीमागे प्रताप मारुतीची स्थापना समर्थांनी केली होती. चाफळ या एकाच ठिकाणी दोन वेगवेगळ्या मुद्रेतील मूर्ती पाहायला मिळतात. दास मारुती नम्र भावातील तर प्रताप/भीम मारुती रौद्र मुद्रेतील आहे. या मूर्तीच्या पायाखाली दैत्य आहे.

माजगावचा मारुती - माजगावचा मारुती हा चाफळपासून फक्त 3 किलोमीटर अंतरावर आहे. या ठिकाणी गावाच्या रक्षणासाठी असलेल्या पाषाणातून समर्थ रामदास यांनी मारुतीची मूर्ती घडवून घेतलेली आहे.

शिंगणवाडीचा मारुती - या मारुतीला खडीचा मारुती, बालमारुती, चाफळचा तिसरा मारुती, अशीही नावे आहेत. साधारण चार फूट उंच आणि उत्तर दिशेला तोंड केलेली ही मूर्ती आहे.

​उंब्रजचा मारुती - तीन मारुती हे उंब्रज या परिसरातच आहेत. त्यांपैकी पहिला म्हणजे उंब्रजचा मठातील दोन फूट उंचीचा हा मारुती होय. या ठिकाणी समर्थांनीच एक मारुती मंदिर बांधले आणि एका मठाची स्थापना केली होती.

​मसूरचा मारुती - मसूर या ठिकाणी समर्थांच्या पुढच्या सुंदर मारुतीचे मंदिर आहे. गाभाऱ्यात पाच फूट उंचीची, चुन्यापासून तयार केलेली आणि पूर्वाभिमुख अशी ही सुंदर मारुतीची मूर्ती आहे.

शिराळ्याचा मारुती - सांगली जिल्ह्यात पहिला मारुती. बत्तीस शिराळा गावच्या मुख्य बस स्थानकाजवळच हे मारुतीचे मंदिर आहे. तब्बल 7 फूट उंच अशी इथे उत्तर दिशेला तोंड असलेली मारुतीची सुंदर मूर्ती या ठिकाणी आहे. इथे मूर्तीच्या चेहऱ्यावर सूर्योदय आणि सूर्यास्तावेळी प्रकाश पडतो, हे या ठिकाणचे अजून एक वैशिष्ट्य

शहापूरचा मारुती - शहापूर गावाच्या फाट्यापासून 1 किलो मीटर अंतरावर पुढच्या मारुतीचे मंदिर आहे. उग्र स्वभावाची मूर्ती असलेला, अंदाजे सात फूट उंचीचा आणि पूर्व दिशेला तोंड असलेल्या या मारुतीला ‘चुन्याचा मारुती’ म्हणूनही ओळखले जाते.

बहे बोरगावचा मारुती - सांगलीतील बहे गावात पुढचा मारुती आहे. कधीकाळी इथे राममंदिर आणि त्याच्या पुढ्यात शिवलिंग होते. याच राममंदिराच्या पाठीमागे मारुतीची स्थापना केलेली आहे.

मनपाडळेचा मारुती - हे कोल्हापूर जिल्ह्यातील मारुती मंदिर आहे. आ वडगाव वाठारपासून 14 किमी अंतरावर मनपाडळे हे गाव आहे. या ठिकाणी असणारी मारुतीची मूर्ती अंदाजे पाच फूट आहे. या मंदिराचं तोंड उत्तर दिशेला आहे.

​पारगावचा मारुती - बालमारुती किंवा समर्थाच्या झोळीतील मारुती म्हणून या मारुतीची ख्याती आहे. नवे पारगाव या ठिकाणच्या या मारुतीची स्थापना सर्वांत शेवटी करण्यात आली होती. इतर सर्वांपेक्षा लहान म्हणजेच साधारण दीड फूट उंचीची ही मूर्ती आहे.