पोटं गेली खपाटीला, 500 गायी-म्हशींची अशी राखली जाते देखभाल, पाहा हे PHOTOS

पिंपरी चिंचवडमधील पशुवर्धन केंद्रातील गाई-म्हशींना चक्क झाडं तोडून खायला घातलं जात असल्याचा धक्कादायक प्रकार समोर आला आहे.

या केंद्रात सुमारे साडेपाचशे गायी-म्हशी आहेत. त्यांच्या संगोपनासाठी सरकार लाखो रुपयांचा निधी देते असते.

असं असतानाही पावसाळा असून देखील चारा उपलब्ध न झाल्याने भुकेपोटी ही जनावरं झाडाचा पाला खात आहे की त्यांना खाऊ घातले जात आहे, असा प्रश्न निर्माण झाला आहे. या कार्यालयात असलेल्या झाडांच्या फांद्या तोडण्यात आल्याचं समोर आलं आहे.

या गंभीर प्रकाराबाबत संबंधित केंद्र प्रमुखांशी संपर्क साधला. मात्र, त्यांनी आपल्याला विसंगत उत्तरे दिल्याची माहिती खासदार श्रीरंग बारणे ह्यांनी दिली आहे.

दरम्यान, या केंद्राचे प्रमुख हरिभाऊ देशमुख यांच्याशी संपर्क साधला तेव्हा त्यांनी घडलेला प्रकार आपल्याच केंद्रातील असल्याच मान्य केले आहे.

मात्र ,तोडली जाणारी झाड ही जनावरांच्या पाल्यासाठी नाहीतर नवीन वृक्षारोपण करण्यासाठी तोडली जात असल्याचं अजब उत्तर त्यांनी दिली.