पुण्यात पडला धो धो पाऊस; राज्यभरात वरुणराज परतले; का बदललं अचानक वातावरण?

पुणे शहराच्या अनेक भागात शनिवारी दुपारी आकाश अचानक भरून आलं आणि ढगांच्या गडगडाटासह पावसाला सुरुवात झाली.

गेले काही दिवस उकाड्यात वाढ झाल्यानंतर अचानक दुपारी मळभ दाटून आलं आणि मेघगर्जनेसह पाऊस सुरू झाला.

अचानक आलेल्या पावसाने नागरिकांची तारांबळ उडाली. पण पुढचा आठवडा हे असंच वातावरण राहणार आहे, त्यामुळे सावध राहा

ऑक्टोबरमध्ये अचानक पाऊस सुरू झाला त्यामागचं कारण आहे अंदमानच्या समुद्रातला कमी दाबाचा पट्टा.

अंदमानजवळ निर्माण झालेल्या कमी दाबाचा पट्टा अधिकाधिक तीव्र होत असल्याने महाराष्ट्र, तेलंगण आणि आंध्र प्रदेश या तीन राज्यांना धोका असल्याची वेधशाळेची माहिती आहे.

मुंबई, पुण्यासह राज्याच्या 16 जिल्ह्यांना हवामान खात्याने सतर्क राहण्याचा इशारा दिला आहे. काही ठिकाणी जोरदार वारा आणि विजांसह पाऊस कोसळण्याची शक्यता आहे.