पुण्यात मुसळधार पावसाचं थैमान! पाणी साचल्यामुळे नागरिकांचे हाल, पाहा PHOTOS

पुण्यात शनिवारी संध्याकाळी मुसळधार पावसानं हजेरी लावली. साधारण दोन ते तीन तास झालेल्या मुसळधार पावसामुळे नागरिकांची पुरती तारांबळ उडाली होती.

काल धुव्वाधार पावसामुळे पुन्हा एकदा कर्वे रस्ता नळस्टॉप चौक आणि म्हात्रे पुलाजवळील रिलायन्स मॉल येथे मोठ्या प्रमाणात पाणी साचल्याचं पाहायला मिळालं.

मोठ्या प्रमाणात परिसरात पाणी साचल्यामुळे नागरिकांचे हाल झाले. पाणी साचल्यामुळे वाहतुकीवरही त्याचा परिणाम झाल्याचं पाहायला मिळालं.

येत्या आठवड्यात पुण्यामध्ये मुसळधार पावसाची शक्यता असल्याचं हवामान विभागानं अंदाज वर्तवला आहे.

अंदमानच्या समुद्रातला कमी दाबाचा पट्टा तयार झाल्यामुळे ऑक्टोबर महिन्यात अचानक मुसळधार पाऊस पुन्हा सुरू झाला आहे.

मुंबई, पुण्यासह राज्याच्या 16 जिल्ह्यांना हवामान खात्याने सतर्क राहण्याचा इशारा दिला आहे.