पुणेकरांसाठी Good News,  सलग 15 दिवसांपासून कोरोना रुग्णांच्या संख्येत घट कायम

कोरोनाशी लढा देणाऱ्या पुणेकरांसाठी चांगली बातमी आहे. गेल्या 15 दिवसांपेक्षा जास्त काळापासून नव्या कोरोना रुग्णांची संख्या आणि मृत्यूमध्येही होत असलेली घट कायम आहे. सातत्याने रुग्णांच्या संख्येत घट कायम राहणे हे सकारात्मक चिन्ह असल्याचं म्हटलं जातंय.

सोमवारी दिवसभरात पुण्यात 214 नव्या रुग्णांची भर पडली. ही गेल्या काही काळातली ही निच्चांकी संख्या समजली जाते.

तर दिवसभरात 505 कोरोना रुग्णांना डिस्चार्ज देण्यात आला आहे.

गेल्या 24 तासात पुण्यात 27 करोनाबाधीत रुग्णांचा मृत्यू झाला. त्यात 9 रुग्ण पुण्याबाहेरचे आहेत.

पुण्यात 799 क्रिटिकल रुग्णांवर उपचार सुरू आहेत. त्यात 434 रुग्ण व्हेंटिलेटरवर उपचार घेत आहेत.

पुण्यात कोरोना रुग्णांची एकूण संख्या ही 1 लाख 57 हजार 631 एवढी झाली आहे.

पुण्यात सध्या 9 हजार 198 रुग्णांवर उपचार सुरु आहेत.

पुण्यात आत्तापर्यंत 40001 कोरोना रुग्णांचा मृत्यू झाला आहे.

तर आत्तापर्यंत एकूण 1 लाख 44 हजार 432 जणांनी कोरोनावर मात केली आहे.

पुणे शहरात मायक्रो कंटेन्मेंट झोनचीही पुनर्रचना करण्यात आलीय. आता अवघे 33 मायक्रो कंटेन्मेंट झोन्स असणार आहेत.