मुंबईपाठोपाठ पुण्यातही कोरोना लसीकरण मोहिमेत बदल; उद्यापासून कसं होणार Vaccination पाहा

कोरोना लशीसाठी पात्र नागरिकांची संख्या आणि कोरोना लशींची उपलब्धता हे सर्व लक्षात घेता मुंबईनंतर आता पुण्यातही कोरोना लसीकरण मोहिमेत बदल करण्यात आले आहेत.

पुण्यात आता 18 ते 44 वयोगटातील नागरिकांच्या लसीकरणाला स्थगिती देण्यात आली आहे. त्यामुळे उद्यापासून (13 मे, 2021) या नागरिकांना कोरोना लस मिळणार नाही.

फक्त 45 पेक्षा जास्त वयाच्या नागरिकांनाच कोरोना लस दिली जाणार आहे, अशी माहिती पुण्याचे महापौर मुरलीधर मोहोळ यांनी दिली आहे.

45 वर्षांवरील नागरिकांसाठी उद्या एकूण 119 केंद्र उपलब्ध असतील. या सर्व केंद्रांवर कोविशिल्ड लस दिली जाईल.

ज्या 45+ नागरिकांनी कोरोना लशीचा पहिला डोस घेतला आहे. त्यांंनाच उद्या लस मिळेल. म्हणजेच कोरोना लशीचा फक्त दुसरा डोस मिळेल. पहिला डोस दिला जाणार आहे.

29 मार्चपूर्वी पहिला डोस घेतल्यांना दुसऱ्या डोससाठी प्राधान्य दिलं जाईल.