7 वर्षांच्या पुणेकर चिमुरडीने केली अवघड सुळक्यावर यशस्वी चढाई, पाहा थरारक PHOTOS

पुण्यातील सिंहगड रोडवरील माणिकबागेत राहणाऱ्या एका सात वर्षांच्या चिमुरडीने मुळशी तालुक्यातील अतिदुर्गम सुळक्यावर चढण्याचा पराक्रम केला आहे. या चिमुरडीचं नाव ध्रुवी गणेश पडवळ असं आहे.

ध्रुवीने मुळशी तालुक्यातील अतिदुर्गम असणाऱ्या तैलाबैला किल्ल्याच्या समोरील सव्वा दोनशे मीटर उंच असणाऱ्या सुळक्यावर दोरखंडाच्या साह्याने चढाई केली आहे.

दोरखंडाच्या मदतीने सव्वा दोनशे मीटर उंच असणाऱ्या सुळक्यावर चढाई करण्यासाठी ध्रुवीला अवघे 45 मिनीटे लागली आहेत. तिच्या या कामगिरीचं सर्व स्तरातुन कौतुक होतं आहे.

या सुळक्यावर चढाई करणारी ध्रुवी ही सर्वात कमी वयाची गिर्यारोहक बनली आहे. तिने हा विक्रम स्वतः च्या नावे नोंदवला आहे. तिने या सुळक्यावर चढून भारताचा तिरंगा फडकवला आहे.

या चढाईचे आयोजन एस एस अॅडव्हेचर्सचे लहु उघडे यांनी केलं होतं. यावेळी ध्रुवीसोबतच अमित वैद्य, तुषार दिघे, शंकर मरगळे, विकास सपकाळ, कृष्णा मरगळे आणि संदेश इवलेकर यांनी देखील चढाई केली आहे.