Healthy Fruits: गॅस, अपचनवर औषधांचा मारा नको; ही 5 फळं पोटाच्या विकारांवर आहेत फायदेशीर

केळी : केळीमुळे पोटात गॅस होत नाही. केळ्यामध्ये फायबर असतं त्यामुळं गॅस कंट्रोल करण्यात केळी खाणं फायदेशीर ठरतं. केळी खाल्ल्याने अॅसिडिटीही होत नाही.

टरबूज : टरबूज खाल्ल्यानंही गॅसचा प्रॉब्लेम होत नाही. इतकेच नाही तर टरबूजमध्ये असलेले फायबर अन्न पचण्यास मदत करता आणि अॅसिडिटीपासूनही आराम मिळतो.

काकडी : काकडी खाल्ल्याने पोट थंड राहते, तसेच पोटाची जळजळही शांत होते. यासोबतच शरीर हायड्रेटेड राहते. काकडी खाल्ल्याने पोटात गॅस होत नाही.

अंजीर : अंजीर देखील गॅसचा त्रास कमी करण्यासाठी फायदेशीर ठरतं. यामध्ये व्हिटॅमिन बी, सी, प्रोटीन, फायबर आणि हेल्दी फॅट भरपूर प्रमाणात असतात. बद्धकोष्ठता आणि अ‌ॅसिडिटी घालवण्यासाठी त्याचा चांगला उपयोग होतो.

किवी : किवी अनेकदृष्ट्या फायदेशीर फळ आहे. गॅसचा त्रास कमी करण्यासाठी तुम्ही किवी खाऊ शकता. नियमित किवी खाल्ल्याने रोगप्रतिकारक शक्ती देखील मजबूत होते, तसेच आरोग्यासाठी इतर अनेक फायदे होतात. (सूचना : य़ेथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही.)