Health Tips: तूप खाताना थोडीशी काळजी घ्या; अशा लोकांनी जास्त खाल्ल्यास होतात नसते त्रास

1. पचनाच्या समस्या आहेत? तुपामुळे पचनक्रिया सुधारण्यास मदत होते. मात्र, पचनक्रियेच्या समस्या फार आधीपासून तुम्हाला त्रास देत असतील तर तूप जास्त खाणं टाळा. पोटाच्या कोणत्याही समस्यांमुळे त्रास होत असेल तर तूप खाल्ल्याने पोटाशी संबंधित समस्या आणखी वाढू शकतात.

2. सर्दी-खोकला किंवा तापामध्ये - वास्तविक तूप खाल्ल्याने शरीरातील कफ वाढू शकतो. त्यातच आपल्याला सर्दी, खोकला किंवा ताप असेल तर तूर खाणं टाळावं. असं केल्यानं तुमची समस्या आणखी वाढू शकते.

3. गरोदरपणात पोटाची समस्या - गरोदरपणात तुपाचे सेवन करणे खूप फायदेशीर मानले जाते, परंतु जर गर्भवती महिलेला पोटदुखी किंवा खोकल्याचा त्रास होत असेल तर तिने तूप खाऊ नये.

4. यकृत संबंधित रोग जर तुम्हाला यकृताशी (लिवर) संबंधित समस्या किंवा प्लीहाशी संबंधित आजार असतील तर तुम्ही तुपाचे सेवन टाळावे. अशा अवस्थेत तूप खाल्ले तर परिस्थिती आणखी बिघडू शकते.

तुपाचे फायदेही जाणून घ्या - तुपातील व्हिटॅमिन ई शरीरात अँटिऑक्सिडंट म्हणून काम करते. कर्करोग, संधिवात आणि मोतीबिंदू यांसारख्या आजारांचा धोका कमी करण्यास मदत करते. तुपामुळे हृदयविकाराचा धोकाही कमी होतो. तुपात वृद्धत्व विरोधी गुणधर्म असतात आणि ते डोळ्यांच्या आरोग्यासाठी चांगले असते. तूप खाल्ल्याने मन तीक्ष्ण होते आणि स्मरणशक्ती सुधारते. (सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही.)