आलिया भट्टपूर्वी 'या' अभिनेत्रींना मिळाली होती RRR ची ऑफर,LIST वाचून वाटेल आश्चर्य

साऊथ दिग्दर्शक एसएस राजामौली यांचा आरआरआर चित्रपट रिलीज झाल्यापासून बॉक्स ऑफिसवर धुमाकूळ घालत आहे. या चित्रपटात ज्युनिअर एनटीआर आणि राम चरण मुख्य भूमिकेत आहेत. यासोबतत बॉलिवूड अभिनेत्री आलिया भट्टआणि अजय देवगण यांनी देखील महत्त्वाच्या भूमिका साकारल्या आहेत. सध्या या सिनेमाचे जगभरातून कौतुक होत आहे.

हा चित्रपट हिंदी, तमिळ, मल्याळम भाषांमध्ये देखील रिलीज करण्यात आला आहे.चित्रपटातील आलिया भट्टच्या भूमिकेलासुद्धा खास पसंती मिळत आहे.या चित्रपटात आलिया रामचरणच्या प्रेयसीच्या भूमिकेत आहे. परंतु तुम्हाला माहितेय का आलिया भट्ट आधी इतर काही अभिनेत्रींना Jr. NTR च्या प्रेयसीच्या भूमिकेची ऑफर देण्यात आली होती.

परंतु चित्रपटाच्या शूटिंगमध्ये होत असलेला विलंब, त्यांचे इतर प्रोजेक्टस आणि काही खाजगी कारणे यामुळे त्यांनी या चित्रपटातून काढता पाय घेतला होता. त्यांनतर चित्रपटात आलिया भट्टची आणि ऑलिव्हिया मॉरिसची वर्णी लागली होती.

कतरिना कैफची बहीण इसाबेल कैफला आता पश्चाताप होत असेल. कारण इसाबेलला दिग्दर्शक एसएस राजामौली यांच्या 'आरआरआर' चित्रपटात आलिया भट्टपेक्षा मोठ्या भूमिकेची ऑफर देण्यात आली होती. पण इसाबेलने दिग्दर्शकासमोर अशी अट ठेवली की राजामौली ती पूर्ण करू शकले नाहीत. इसाबेलला या चित्रपटात जेनीची भूमिका ऑफर करण्यात आली होती. चित्रपटात जेनी ही इंग्लिश स्त्री दाखवण्यात आली आहे. जी ज्युनियर एनटीआरची प्रेयसी असते. इसाबेलला चित्रपट करण्यापूर्वी स्क्रिप्ट वाचायची होती. परंतु राजामौली यांना ते मान्य नव्हतं.

रिपोर्ट्सनुसार, परिणीती चोप्राला 'RRR' ऑफर करण्यात आला होता. सीतेची भूमिका करण्यासाठी तिला संपर्क करण्यात आला होता, त्यांनतर ही भूमिका आलिया भट्टने साकारली आहे. 2019 मध्ये परिणीतीने 'RRR' करण्याच्या बातम्यांवर प्रतिक्रिया दिली होती. ती म्हणाली होती, 'मी फक्त एवढेच सांगेन की तुम्ही लोक थांबा आणि मी आणि निर्मात्यांनी जाहीर केलेल्या गोष्टींवर विश्वास ठेवा.

परिणीती चोप्रानंतर 'RRR' साठी श्रद्धा कपूरला विचारण्यात आल्याचं सांगितलं जातं. परंतु आपल्या इतर प्रोजेक्टमध्ये बिझी असल्याने श्रद्धाला चित्रपटासाठी तारखा देण्यास अवघड होत होतं. त्यामुळे त्याने या चित्रपटाला नकार दिल्याचं म्हटलं जातं.

या चित्रपटात ज्युनियर एनटीआरची प्रेयसी जेनीची भूमिका साकारण्यासाठी निर्मात्यांनी एमी जॅक्सनशीही संपर्क साधला होता. पण नंतर, निर्मात्यांनी त्यांचा निर्णय मागे घेतला, कारण एमी जॅक्सन पहिल्यांदाच आई होणार होती. जेव्हा तिला या चित्रपटासाठी अप्रोच करण्यात आले तेव्हा ती गरोदर होती.

एमी जॅक्सनचे नाव वगळल्यानंतर 'आरआरआर'मध्ये जेनीची भूमिका साकारण्यासाठी अभिनेत्री डेझीची निवड करण्यात आली. पण काही कारणांमुळे त्यांनी या प्रकल्पातून माघार घेतली. रिपोर्ट्सनुसार, चित्रपटाच्या शूटिंगला उशीर झाल्यामुळे अभिनेत्रीला चित्रपट सोडावा लागला.