आमदार बाईंपेक्षा कडक भूमिकेत दिसणार तेजस्विनी लोणारी; हात बरा होताच अभिनेत्रीचं वर्क मोड ऑन

बिग बॉस मराठी 4मधून प्रेक्षकांची मनं जिंकणारी अभिनेत्री तेजस्विनी लोणारी पुन्हा एकदा प्रेक्षकांच्या भेटीला येण्यासाठी सज्ज झाली आहे.

बिग बॉसमध्ये हाताला फ्रॅक्चर झाल्यानं तेजस्विना गेम सोडावा लागला होता.

तिचा हातही आता बरा झाला आहे. हात बरा होताच तेजस्विनीचा वर्क मोड ऑन झाला आहे.

'थ्री चिअर्स' नावाच्या नव्या सिनेमाच्या शुटींगला तेजस्विनीनं सुरूवात केली आहे. क्लॅपबोर्ड हातात असलेला फोटो शेअर करत तेजस्विनीनं ही गुड न्यूज चाहत्यांना दिली आहे.

देवमाणूस 2मध्ये तेजस्विनीनं आमदारीण बाईंचं निगेटिव्ह पात्र साकारलं होतं.

पण नव्या सिनेमात तेजस्विनी एका महिला पोलिसाच्या भूमिकेत दिसणार आहे. सेटवरील तिचा पोलिसाच्या वेशातील लुक समोर आला आहे.

थ्री चिअर्स या सिनेमाच्या नावावरून तरी सिनेमा धम्माल कॉमेडी आणि अॅक्शन थ्रीलर असेल असं दिसत आहे.

पण हा मराठी की हिंदी सिनेमा आहे याची माहिती समोर आलेली नाही.