WOMAN HEALTH - तुमचं शरीर देतंय गंभीर आजाराचं संकेत; या लक्षणांना गांभीर्याने घ्या

कित्येक महिलांना आरोग्याच्या समस्या असतात. विशेषत: मासिक पाळीसंबंधी समस्या तर अनेक महिलांना असतातच. बहुतेक वेळा महिला काही समस्या या सामान्य समजून त्याकडे दुर्लक्ष करतात. मात्र ही समस्या म्हणजे एखाद्या गंभीर आजाराचं लक्षण असू शकतं.

अनेक महिलांना मासिक पाळी अनियमित येते. हे पॉलिसिस्टिक ओव्हरी सिंड्रोम (पीएसओएस) चं लक्षण अस शकतं. माय उपचारशी संबंधित डॉ. विशाल मकवाना यांनी सांगितलं, अनियमित पाळी हे पीएसओएसच्या प्रमुख लक्षणांपैकी एक आहे. हे एका हार्मोनल डिसॉर्डर आहे, ज्यामुळे प्रजनन क्षमतेवरही परिणाम होतो.

व्हजायना डिस्चार्ज, योनीमार्गात खाज आणि दुर्गंधी येत असल्यास हे इन्फेक्शन झालेलं असू शकतं. बॅक्टेरिया, यीस्ट किंवा सेक्शुअली ट्रान्समिटेड इन्फेक्शन असू शकतं. ही समस्या आपोआप दूर होत नाही, योग्य उपचार आणि औषधानेच या समस्येतून मुक्ती मिळते. 

मासिक पाळीनंतरही रक्तस्राव आणि तीव्र वेदना होत असतील, तर हे व्हजायनल, सर्व्हिकल किंवा गर्भाशयाच्या कॅन्सरचं लक्षण असू शकतं. रजोनिवृत्तीमुळे पीरियड्स थांबले असतील तरीदेखील तपासणी करून घ्यावी.

पेल्विक पेन म्हणजे पोटाच्या खालील भागात वेदना होत असल्यास हे अनेक समस्यांचं लक्षण आहे. माय उपचारसंबंधी एम्सचे डॉ. केएम नाधीर यांनी सांगितलं, पेल्विक पेन हे एखादं संक्रमणाचं लक्षण असू शकतं. तसंच मासिक पाळीदरम्यान आणि गर्भपात झालेला असल्यास अशा वेदना होतात. अंडाशयात गाठ, गर्भाशयात फायब्रॉइड्स किंवा अँडोमेट्रियोसिस असू शकतं.