तुमची प्रेमळ गर्लफ्रेंड बायको झाल्यावर भांडखोर झाली आहे का; कसं पुन्हा मिळवाल तिचं प्रेम?

आपली गर्लफ्रेंड आपली बायको झाल्यानंतर प्रत्येक पुरुषाला आनंद वाटतो. आपल्यावर जीवापाड प्रेम करणारी जोडीदार आपल्याला मिळाली अशी भावना त्याची असते. तुम्हालाही त्या क्षणी तसाच आनंद झाला असेल.

मात्र काही दिवसांत तुमच्या प्रेमळ जोडीदाराच्या स्वभावात तुम्हाला बदल झालेला दिसत असेल. ती पहिल्यासारखी प्रेमळ नाही तर भांडखोर झाल्याचं तुम्हाला दिसून आलं असेल. ती खूपखूप चिडचिड करत असल्याचं तुम्हाला समजेल.

मुलींना माहेरी जे प्रेम, माया, आपुलकी मिळते तशी त्यांना सासरी मिळत असल्याचं वाटत नाही आणि हेच त्यांच्या स्वभावात बदल होण्याचं मुख्य कारण आहे.

सुनेनं कितीही प्रयत्न केले तरी सून ती सून आणि मुलगी ती मुलगी. सुनेला मुलीप्रमाणे प्रेम कधीच मिळत नाही.

लग्नानंतर मुलींच्या आयुष्यातील पर्सनल स्पेस राहत नाही. मुलींना इतरांना काय वाटतं, इतर काय सांगतात त्यानुसार राहावं  लागतं.

लग्नानंतर लगेचच आई होण्याचा विचार नसेल तर तिला सासरच्यांकडून खूप काही ऐकून घ्यावं लागतं.

लग्न झाल्यावर घर आणि ऑफिस यामध्ये आपल्याला स्वत:साठी वेळच देता येत नाही असं मुलींना वाटतं.

आपण लग्न का केलं, अशी भावना त्यांच्या मनात निर्माण होते. अशावेळी तिच्या पतीने तिच्या समस्या समजून घेऊन तिला यात मदत केली तर नक्कीच तिचा स्वभाव आधीप्रमाणे होईल.