अन् अजितदादा पोहोचले थेट मेट्रोचालकाच्या केबिनमध्ये, 6 वाजता केली पाहणी, पाहा हे PHOTOS

पुण्याचे पालकमंत्री आणि राज्याचे उपमुख्यमंत्री अजित पवार यांनी आज शुक्रवारी पहाटे 6 वाजता पिंपरी-चिंचवड महानगरपालिका हद्दीतील पुणे मेट्रोच्या कामाची पाहणी केली.

अजितदादांनी संत तुकाराम नगर स्टेशन ते पिंपरी (खराळवाडी) असा मेट्रोतून प्रवास केला.

भल्या पहाटेच अजितदादा थेट मेट्रो स्टेशनवर पोहोचल्यामुळे अधिकारी आणि कर्मचाऱ्यांना चांगलीच कसरत करावी लागली.

मेट्रोच्या कामाचा आढावा घेत त्यांनी काही सूचना केल्या.

मेट्रोच्या रस्त्यातील काही झाडं तोडण्यात येणार आहे आहेत, त्या झाडांचे पुन्हा रोपण कसं केलं जाणार याचीही माहिती त्यांनी यावेळी घेतली.

यावेळी महाराष्ट्र मेट्रो रेल कार्पोरेशनचे व्यस्थपकीय संचालक ब्रिजेश दीक्षित यांच्यासह मेट्रोचे वरिष्ठ अधिकारी उपस्थित होते.

विशेष म्हणजे, मेट्रोचालकाच्या केबिनमधूनही अजितदादांनी मेट्रोची पाहणी केली.

अजित पवारांनी यावेळी मेट्रोतील माहितीही अधिकाऱ्यांकडून जाणून घेतली.