अनलॉक 3 मध्ये कसं असेल जीवन? काय राहणार सुरू आणि काय बंद..

माहिती व प्रसारण विभागाच्या अधिकाऱ्यांनी News18 ला सांगितले की अनलॉकच्या तिसऱ्या टप्प्यात चित्रपटगृह सुरू होण्याचा प्रस्ताव आहे. याला गृह मंत्रालयाकडे पाठविण्यात आले आहे. मंत्रालयाने या पूर्वीच चित्रपट गृहांच्या मालकांशी 25 टक्के क्षमतेसह सुरू करण्याबाबत चर्चा केली आहे.

सिनेमागृहांच्या मालकांनी सांगितले की- दोन जागांच्यामध्ये सोशल डिस्टन्सिंग, शोच्या दरम्यान थिएटर सॅनिटाइझ करणे यासाठी मधला ब्रेक अधिक काळासाठी असेल, रिफ्रेशमेंट काऊंटरवरील गर्दी रोखण्यासाठी उपाययोजना आदी गोष्टींकडे लक्ष दिलं जाईल. मात्र थिएटरमध्ये एसी असल्याने अशा परिस्थितीत कोरोना फैलावाची भीती आहे.

जिममध्येही बॅचच्या वेळा नक्की ठरविण्यात येतील, उपकरणांची सफाई, शिवाय एकाच वेळी ग्राहकांच्या उपस्थितीबाबत नियंत्रण ठेवण्यात येणार आहे. मास्क लावून व्यायाम करण्याबाबत अनेक तज्ज्ञांचे वेगवेगळे तर्क आहेत.

मेट्रो सेवा आणि शाळा पुन्हा सुरू करण्यासाठी वेळ लागू शकतो. त्याबाबत अद्याप काही ठरविण्यात आलेले नाही.