सुशांत केसमध्ये बिहार पोलिसांना मुंबईचं सहकार्य नाही? अंकिताच्या घरी जाताना आली ही वेळ- पाहा PHOTO

अभिनेता सुशांतसिंह राजपूत याच्या आत्महत्या प्रकरणातील तपास करण्यासाठी बिहार पोलीस मुंबईत दाखल झाले. त्यानंतर चक्क रिक्षातून प्रवास करत ते सुशांतची एक्स गर्लफ्रेंड आणि अभिनेत्री अंकिता लोखंडे हिच्या घरी पोहोचले .

बिहार पोलीस अंकिता लोखंडे हिच्या घरी स्टेटमेंटसाठी दाखल झाले होते, अशी माहिती आहे.

सुशांतची एक्स गर्लफ्रेंड अंकिता लोखंडेनेही खळबळजनक आरोप केला आहे. रिया आपला छळ करत असल्याचं सुशांतने आपल्याला सांगितलं होतं, असं अंकिता लोखंडे म्हणाली होती. त्यानंतर बिहार पोलिसांनी हे पाऊल उचललं आहे.

बिहार पोलिसांना सुशांतच्या आत्महत्या प्रकरणाच्या तपासात मुंबई पोलिसांकडून सहकार्य होत नसल्याचा आरोप करण्यात येत आहे. कारण मुंबई पोलिसांकडून बिहार पोलिसांच्या टीमला कोणतंही वाहन उपलब्ध करून देण्यात आलेलं नाही. तसंच त्यांच्या सुरक्षेसाठीही काही प्रयत्न करण्यात आलेले नाहीत. याबाबत सूत्रांकडून माहिती मिळाली आहे.

त्यामुळे थेट रिक्षातून बिहार पोलीस अंकिताच्या घरी पोहोचले आणि तिची जवळपास एक तास चौकशी केली.

अंकिता लोखंडेच्या चौकशीनंतर आता बिहार पोलीस सुशांतवर उपचार करणाऱ्या वैद्यकीय टीमच्या चौकशीसाठी रवाना झाले आहेत. सुशांतवर उपचार करत असलेल्या डॉक्टरांचाही जबाब पोलिसांकडून नोंदवण्यात येणार आहे.