#CBIForSSR नंतर सुशांतच्या चाहत्यांनी छेडली आणखी एक मोहीम; दाखल केली ऑनलाइन याचिका

अभिनेता सुशांत सिंह राजपूतचा मृत्यू होऊन दोन महिने पूर्ण झालेत. त्याचे चाहते त्याला विसरू शकले नाहीत. त्याच्या आठवणींना उजाळा देणारे त्याचे व्हिडीओ सोशल मीडियावर पुन्हा व्हायरल होऊ लागले आहेत. या व्हिडीओच्या रूपात सुशांतला पाहता येतं, मात्र तरीही त्याचा मेणाचा पुतळा बनवावा अशी मागणी आता होऊ लागली आहे.

सुशांत सिंह राजपूतला न्याय देण्यासाठी सीबीआय व्हावी यासाठी सोशल मीडियावर मोहीम छेडण्यात आली आहे. आता सुशांतची आठवण कायम राहावी यासाठी एक मोहीम छेडण्यात आली आहे.

लंडनच्या मॅडम तुसाद संग्रहालयात सुशांत सिंह राजपूतचा मेणाचा पुतळा उभारावा याची मागणी होऊ लागली आहे.

मॅडम तुसाद संग्रहालयात सुशांतच्या वॅक्स स्टॅच्युसाठी ऑनलाइन याचिका केली आहे.  Change.org वर ऑनलाइन याचिका करण्यात आली आहे.

4 दिवसांपूर्वी ही याचिका दाखल करण्यात आली, ज्याला 50,000 पेक्षा अधिक लोकांनी पाठिंबा दिला आहे.

सुशांतला आम्ही कधीच विसरू शकत नाही. मात्र तरी त्याची आठवण आणि त्याचं काम जिवंत ठेवण्यासाठी त्याचा पुतळा उभारावा, असं चाहत्यांनी म्हटलं आहे.

याआधी बिहारमध्ये रस्त्यावरील एका चौकाला सुशांतचं नाव दिलं आहे. 

तसंच एका चाहत्याने एका ताऱ्याला सुशांतचं नाव दिल्याचा दावा केला होता. मात्र तज्ज्ञांनी असं ऑनलाइन स्टार खरेदी करणं शक्य नसल्याचं म्हटलं होतं.