नातेवाईकांचा विरोध पत्करून खडतर प्रयत्नानं IAS झालेल्या 6 महिलांचा प्रेरणादायी प्रवास

वैशाली सिंह यांनी वकिली सोडून IAS होण्याचं स्वप्न बाळगलं. दुसऱ्या प्रयत्नात त्यांनी UPSCच्या परीक्षेच भारतात 8 वा क्रमांक पटकावला. वकिलीचा अभ्यास पूर्ण करून त्यांनी जिद्दीच्या जोरावर नैराश्येवर मात करून IAS पद मिळवलं.

घरची परिस्थिती बेताची आणि शिक्षणासाठी पैसे नसल्यानं डॉक्टर होण्याचं स्वप्न अधूरं राहिलं पण नर्स असलेल्या केरळच्या एनीस कनमनी जॉय यांनी मोठ्या कष्टानं क्लास न लावता अभ्यास करून UPSC परीक्षेत यश मिळवलं. घरची परिस्थिती चांगली नसल्यानं त्यांनी नर्सची नोकरी करून अभ्यास केला आणि IAS झाल्या.

परीक्षेवेळी वडिलांना कॅन्सर झाला अशा परिस्थित स्वत: मनानं खचून न जाता आणि घरच्यांनाही आधार देऊन रितिका जिंदल या तरुणीनं 2018 रोजी UPSC परीक्षेत यश मिळवलं आहे.

ज्या काळात मुलगी नातेवाईकांना बोज वाटायची अशा काळात नातेवाईकांच्या विरोधात जाऊन अशा परिस्थितीतही हैदराबादची रहिवासी जमील फातिमा जेबा हिने UPSC 62 वा क्रमांक मिळविला आहे.

तीन फूट उंची असणाऱ्या आणि तुझ्याच्यानं काही होणार नाही असं हिणवलं जाणाऱ्या उत्तराखंडमधील आरती डोगरा यांनी मेहनत, जिद्द आणि परिश्रमांच्या जोरावर UPSC परीक्षेत 2006 साली अव्वल यश मिळवलं. सध्या त्या राजस्थामधील अजमेरच्या जिल्हाधिकारी म्हणून त्या काम पाहात आहेत.

छत्तीसगडच्या IAS अधिकारी प्रियांका शुक्ला यांच्या आयुष्यात घडलेला एका प्रसंगानं त्यांचं आयुष्य बदललं. एका वस्तीत गेल्यावर तिथल्या भागात अशुद्ध पाणी मिळत असल्याचं त्यांनी पाहिलं. तिथे एका महिलेनं त्यांना असे प्रश्न विचारायला तुम्ही जिल्हाधिकारी आहात का? असा प्रश्न विचारून अंतर्मुख केलं आणि त्यांना IAS होण्यासाठी प्रेरणा मिळाली.