जगातील सर्वात लहान देशाचा राजा चालवतो छोटेखानी रेस्टॉरंट

हा सुंदर फोटो जगातील सर्वात लहान राज्याचा (Kingdom) आहे. इटलीतील सार्डीनिया प्रांताजवळ असणारं हे बेट Kingdom of Tavolara नावाने ओळखलं जातं. ज्याठिकाणी 11 लोकं राहतात. Antonio Bertoleoni नावाचा त्यांचा राजा इथे एक रेस्टॉरंट चालवतो.

या बेटाची कहाणी 1807 पासून सुरू होते, जेव्हा सध्याचा राजा Antonio उर्फ टोनियोचे खापर पणजोबा Giuseppe Bertoleoni इटलीतून पळून या बेटावर येऊन पोहोचले. त्यांनी दोन बहिणींशी एकाचवेळी लग्न केलं होते. द्विपत्नीत्वाच्या आरोपासून वाचण्यासाठी त्यांनी इटलीतून पलायन केलं.

हे बेट सुनसान होतं, मात्र याठिकाणची खासियत अशी होती की इथे सोनेरी रंगाच्या दात असलेल्या बकऱ्या होत्या अस बोललं जाई. ही बातमी पसरल्याने बरेच लोकं इथे शिकारीसाठी आले. त्यावेळी Giuseppe चा मुलगा पाओलोने त्यांना तो इथला राजा असल्याचे सांगितले. कालांतराने हे बेट वेगळं राज्य मानण्यात येऊ लागलं आणि त्याठिकाणी आलेल्या 33 लोकांचा पाओलो राजा बनला.

पाओलोने त्याच्या मृत्यूपत्रात लिहिलं की त्याच्या कब्रवर मुकूट घातला जाईल, ज्याने आयुष्यभर कधी मुकूट घातला नव्हता. सोनेरी दाताच्या बकऱ्या, कब्रवर असणार मुकूट या विचित्र गोष्टींसाठी हे बेट प्रसिद्ध होत गेलं.

19व्या शतकात या 5 किलोमीटर अंतरावर पसलेल्या बेटावर राणी व्हिक्टोरियाकडून एक जहाज देखील पाठवण्यात आलं होतं. जेव्हा राणीने जगभरातील राजांचे फोटो गोळा करण्याचा विचार केला होता. टवोलाराच्या राजाच्या कुंटुबाचा फोटो देखील यावेळी काढण्यात आला होता.

बेटावरील एकमेव रेस्टॉरंट याच शाही कुटुंबाकडून चालवलं जातं. याठिकाणी सामान भरण्यासाठी त्यांनी इटलीला जावं लागतं. राजा आणि त्याचा पुतण्या फेरी सर्व्हिस चालवतात. तर दुसरा पुतण्या मासे पकडतो.

या शाही कुटुंबात असणारे लोकच केवळ याठिकाणीचे रहिवासी आहेत. हे बेट इटलीचा भाग नाही आहे, त्यामुळे टोनियो याला आपलेच साम्राज्य म्हणतो. टी-शर्ट आणि हाफ पँटमध्ये दिसणाऱ्या या राजाने कधी राजाचा मुकूट देखील घातलेला नाही. संपत्तीच्या नावाखाली त्याच्याकडे एक रेस्टॉरंट आणि हे सुनसान बेट एवढच आहे.