रशियाची Sputnik V कोरोना लस तयार; कधी आणि किती किमतीत मिळणार पाहा

रशियाने आपल्याला लशीला स्पुतनिक व्ही (Sputnik V) असं नाव दिलं आहे. मॉस्कोतल्या गमालिया इन्स्टिट्युन ऑफ एपिडेमिओलॉजी अँड मायक्रोबायोलॉजीनेही ही लस तयार केली आहे. 

राष्ट्राध्यक्ष व्लादिमीर पुतीन यांनी आपल्या मुलीला कोरोनाची पहिली लस दिली आहे.

2 महिन्यांत या लशीचं क्लिनिकल ट्रायल करण्यात आलं आहे. मुख्य म्हणजे क्लिनकल ट्रायलदरम्यान संशोधकांनी आणि शास्त्रज्ञांनी या लसीचा स्वत:वर प्रयोग केला होता.

अॅडेनोव्हायरसला बेस बनवून ही लस तयार केली आहे. या लसीमध्ये वापरलेले पार्टिकल्स स्वत: ची रेप्लिकेट (प्रतिकृती) बनवू शकत नाहीत, उलट अँटिबॉडी तयार होईल जी शरीरात व्हायरसचा हल्ला झाल्यावर सक्रिय होईल, असा दावा संशोधकांनी केला आहे.

सप्टेंबरपासून या लशीचं मोठ्या प्रमाणात उत्पादन केलं जाणार आहे. रशिया आपल्या देशातील आरोग्य कर्मचारी, शिक्षक आणि वयस्कर व्यक्तींना ही लस सर्वात आधी देणार आहे.

20  देशांनी या लशीच्या अब्जावधी डोसची आधीच ऑर्डर दिली आहे, असं रशियाने सांगितलं आहे.  

रशियन वृत्तसंस्था TASS  च्या मते, रशियामध्ये ही लस मोफत दिली जाणार आहे. तर इतर देशांसाठी याची किंमत किती असेल याबाबत अद्याप सांगितलेलं नाही. 

या लशीच्या क्लिनिकल ट्रायलया शेवटचा टप्पा अद्याप पूर्ण झालेला नाही, त्यामुळे लशीच्या सुरक्षिततेबाबत जागतिक आरोग्य संघटनेसह अनेक तज्ज्ञांनी प्रश्न उपस्थित केले आहेत.