PHOTOS : पुण्यात चार गाड्यांचा विचित्र अपघात

पुण्यात कोंढवा-कात्रज रस्त्यावर खडीमशीन चौकाजवळ 4 गाड्यांचा विचित्र अपघात झाला. आज सकाळी साडेअकराच्या सुमारास कात्रजकडून मंतरवाडीकडे जाणाऱ्या ट्रेलरनं इनोव्हा गाडीला धडक दिली.

लोखंडी प्लेटा भरलेला ट्रेलरनं धडक दिल्यानं चार गाड्या एकमेकांना धडकल्या. त्यामुळे कात्रज कोंढवा रस्त्यावरील वाहतूक एक तास विस्कळीत झाली होती.

यात डस्टर गाडी समोरील व्हिंटो कारवर आदळली. धडक एवढी जोरात होती की चार गाड्या एकमेकांना धडकल्या. त्यात डस्टर गाडी व्हिंटो गाडीवर जाऊन चढली.

तर होंडा सिटी गाडीची व्हिंटो गाडीला मागून धडक बसल्यानं चारही गाडांचं मोठं नुकसान झालं. सुदैवाने या अपघातात कोणतीही जीवितहानी नाही.

पोलिसांनी घटनास्थळी धाव घेऊन क्रेनने वाहनं बाजूला केली. त्यानंतर वाहतूक सुरूळीत झाली.