कोरोना पॉझिटिव्ह मुलांना का बळावतोय PMIS आजार; तज्ज्ञांना सापडलं उत्तर

जगभरात कोरोनाची लागण झालेल्या लहान मुलांमध्ये कोरोनाची सर्वसामान्य लक्षणं न दिसता इतर लक्षणं दिसत आहे. कोरोना पॉझिटिव्ह मुलांना कोरोनासंंबधी इतर आजार झाल्याची अनेक प्रकरणं पाहायला मिळाली आहे.

सुरुवातीला लंडन आणि युरोपमधील इतर काही देशांमध्ये लहान मुलांमध्ये कावासाकीसारख्या आजाराची लक्षणं दिसली. त्यानंतर मुंबईतील कोरोनाग्रस्त मुलांमध्येही अशीच लक्षणं दिसून आला.

हा आजार म्हणजे पिडियाट्रिक इन्फ्लेमेटरी मल्टीसिस्टम सिंड्रोम (Paediatric Multisystem Inflammatory Syndrome).

पीआयएमएस-टीएस हा कोरोनाशी संबंधित आजार आहे, ज्याची लक्षणं कावासाकी आजारासारखीच आहेत.

पाच वर्षांपेक्षा कमी वयाच्या मुलांना हा आजार होतो. या आजारात रक्तवाहिन्यांना सूज येते.

ताप, त्वचेवर पुरळ, डोळ्यांची जळजळ, पोटातील विकार अशी या आजाराची लक्षणं आहेत.

संशोधकांनी कोरोना लॉकडाऊन दरम्यान बर्मिंघम चिल्ड्रन्स हॉस्पिटलमध्ये दाखल असलेल्या या आजाराने पीडित मुलांच्या रक्ताचे नमुने तपासले.

मोनोसाइट्समधील बदलामुळे हा आजार होत असल्याचं संशोधकांना दिसून आलं. मोनोसाइट्स हा रोगप्रतिकारक पांढऱ्या रक्तपेशींचा एक प्रकार आहे.

संशोधनाचे अभ्यास ग्राहम ट्रेलर म्हणाले, कावासाकी आजार आणि  पीआईएमएस-टीएस दोघांचा संबंध मोनोसाइट्सच्या संख्येत मोठ्या प्रमाणात बदल आणि त्यांच्या आनुवंशिक आकृतीशी आहे, याचा खुलासा पहिल्यांदाच आमच्या अभ्यासात झाला.