घरं पडली, छपरं उडाली, झाडं कोसळली, चक्रीवादळाने गावंच्या गावं उघड्यावर PHOTOS पाहून उडेल थरकाप!

निसर्ग चक्रीवादळाने कोकणातल्या काही जिल्ह्यांना जोरदार तडाखा दिला आहे. रायगड, सिंधुदूर्ग आणि रत्नागिरी तालुक्याला निसर्गने झोडपून काढलं.

रत्नागिरी जिल्ह्यात गावंच्या गावं उघड्यावर पडली असून शेकडो संसार विस्कटले आहेत.

दोपोली तालुक्यात मुरूड, वेळास, केळशी आणि अनेक गावांच प्रचंड नुकसान झालं आहे. त्यामुळे पावसाळ्याच्या तोंडावर संसार कसा उभा करायचा असा प्रश्न लोकांना पडलाय.

पावसाने घरं पडली, जोरदार वाऱ्याने छपरं उडाली त्यामुळे लोकांना गेली काही दिवस उघड्यावर काढावी लागत आहेत.

कोकणात घराच्या अंगणात असलेली नारळ पोफळी, अंबा, फणस, काजूची झाडं ही घरातले एक सदस्यच असतात. अशी लहानपणापासून वाढवलेली अनेक झाडं काही मिनिटांमध्ये उन्मळून पडली.

गावंच्या गावं उद्धवस्त झाल्याने शेकडो नागरीक उघडयावर असून कोरोनामुळे त्यांच्यात प्रचंड दहशत निर्माण झाली आहे.

कोकणात प्रचंड पाऊस असतो. यावर्षी मान्सून वेळेत असल्याने लवकरच पावसाला सुरूवात होणार आहे. त्याआधी पुन्हा घरं उभारण्याचं आव्हान इथल्या लोकांसमोर आहे.

नुकसानीचे पंचनामे करून तातडीने मदत करावी अशी मागणी लोकांनी केली आहे.