Unlock 3.0 मध्ये जिम सुरू, आता मल्टिप्लेक्सही कसं होतंय सज्ज पाहा PHOTO

देशात कोरोना लॉकडाऊन हळूहळू शिथील केला जातो आहे. अनलॉक 3 मध्ये जिम आणि योगा इन्स्टिट्युट सुरू करण्यास परवानगी देण्यात आली आहे. आता लवकरच फिल्म थिएटर्सही सुरू होतील याची प्रतीक्षा आहे.

अनलॉकनंतरसाठी मल्टिप्लेक्स सज्ज झालं आहे. दिल्लीतील वसंत कुंजमधील पीव्हीआरमध्ये आवश्यक ती पुरेपूर तयार करण्यात आली आहे. 

मुव्ही हॉलमध्ये सॅनिटायझेशनची पुरेपूर काळजी घेण्यात आली आहे. टच पॉइंट्स ठेवण्यात आलेत. 

मल्टिप्लेक्समध्ये जाऊन फिल्म पाहणं म्हटलं म्हणजे पॉपकॉर्न आलेच आणि हे पॉपकॉर्न घेण्यासाठी रांगा लागलेल्या असतात. इथं आता क्युआर कोड लावण्यात आलेत. जेणेकरून पॉपकॉर्न घेतल्यानंतर क्युआर कोड स्कॅन करून पैसे द्यावे लागतील. 

अशाच पद्धतीचा नियम बॉक्स ऑफिसवरही आहे. तुम्हाला पेपर तिकीट मिळणार नाहीत. 

मित्रपरिवार किंवा कुटुंबाने तिकीट बुक केल्यानंतर त्यांना एकत्र बसायला मिळेल मात्र सोशल डिस्टन्सिंगच्या नियमांचं पालन करावं लागेल. एका सीटचं अंतर राखावं लागेल. जर तुम्ही 3डी मुव्ही पाहणार असाल तर सिंगल युझ ग्लासेस वेगवेगळे घ्यावे लागतील. 

सरकारी सूत्रांच्या माहितीनुसार मल्टिप्लेक्स सुरू झाल्यानंतर फक्त 25% सीट उपलब्ध असण्याची शक्यता आहे. सरकारने मल्टिप्लेक्स सुरू करण्याची परवानगी दिल्यास,  सुरुवातीच्या दोन आठवड्यात 20% आणि  चार ते सहा आठवड्यात 100% स्क्रिन सुरू करण्याचा आमचा विचार आहे, असं PVR Cinemas चे सीईओ गौतम दत्ता यांनी CNBC TV18 ला सांगितलं.