शेतकरी आंदोलनातून परतलेल्या शेतकऱ्याच्या पोरानं केलं खास स्टाईलमध्ये लग्न; पाहा PHOTOS

फतेहाबाद: दिल्ली सीमेवर सुरू असलेल्या शेतकरी आंदोलनात जवळपास 15 दिवस सहभाग नोंदवल्यानंतर लग्नाची तारीख जवळ आल्याने फतेहाबाद येथे घरी येवून शेतकरी पुत्राने एका वेगळ्या स्टाईलने लग्न केलं आहे. कंवरपाल सिंह असं या व्यक्तीचं नाव असून त्याने शेतकरी शैलीत ट्रॅक्टरमध्ये बसवून आपल्या पत्नीला घरी आणलं आहे. यासाठी त्याने आपली होणारी बायको मनिंदर आणि इतर नातेवाईकांची परवानगी घेतली होती.

नवरीनेही पतीच्या निर्णयाला मान देवून त्याची प्रतिष्ठा वाढवली आहे. तर कंवरपाल सिंह याने स्वतः ट्रॅक्टर चालवला आहे. यावेळी नवरीने तिच्या हातात 'किसान एकता' संघटनेचा झेंडा हातात घेवून शेतकरी आंदोलनाला पाठिंबा दर्शवला आहे.

यावेळी कंवरपाल सिंह याने सांगितलं की, त्याने दिल्ली सीमेवर सुरू असलेल्या शेतकरी आंदोलनासाठी तिथे जवळपास पंधरा दिवस राहिला आहे. पण सध्या लग्नाच्या कारणामुळे परत यावं लागलं आहे. पण आंदोलनापासून लांब राहूनही शेतकरी आंदोलनाला पाठिंबा देण्यासाठी अशाप्रकारे लग्न केलं आहे. यावेळी त्याने लग्जरी गाडीऐवजी ट्रॅक्टरवर बसवून नवरीला घरी आणलं आहे.

कंवरपालने सांगितलं की, शेतकरी स्टाईलमध्ये लग्न करण्याची बोलणी लग्नाच्या अगोदरच झाली होती. यासाठी नवरी मुलगी आणि नवरी मुलीच्या बाजूच्या सर्व मंडळींनी या निर्णयाला समर्थन दिलं होतं.

नवरी स्वतःच्या हातात 'किसान एकता' संघटनेचा झेंडा घेवून आनंदाने नवऱ्याच्या घरी गेली आहे. लग्नातील वऱ्हाडी मंडळी आणि परिसरात या लग्नाचीच चर्चा होती. अनेकांनी त्यांच्या या निर्णयाचं कौतुक केलं आहे.