लोकसभा निवडणूक 2019: UPमध्ये गांधी कुटुंबातील सदस्यांचे काय झाले?

काँग्रेसच्या माजी अध्यक्ष सोनिया गांधी पाचव्यांदा रायबरेली मतदारसंघातून विजय मिळवतील. सोनिया गांधींच्या विरुद्ध भाजपने दिनेश प्रताप सिंग यांना उभे केले होते. सोनिया गांधी यांनी 2004मध्ये येथून प्रथम निवडणूक लढवली होती.

काँग्रेस कुटुंबाचा बालेकिल्ला मानला जाणाऱ्या अमेठीतून राहुल गांधी पिछाडीवर आहेत. भाजपच्या स्मृती इराणी यांनी मोठी आघाडी घेतली आहे.

सुलतानपूरमधून भाजपच्या नेत्या आणि केंद्रीय मंत्री मेनका गांधी या आघाडीवर आहेत.

गांधी कुटुंबातील उत्तर प्रदेशमधील चौथा उमेदवार म्हणजे वरुण गांधी होय. पिलीभीतमधून वरुण गांधी आघाडीवर असून सपाचे हेमराज वर्मा पिछाडीवर आहेत. यंदा त्यांनी सुलतानपूर मतदारसंघ सोडून पिलीभीतमधून निवडणू्क लढवत आहेत.