कोरोनाच्या सावटात कशा सुरू आहेत शाळा; जगभरातील शाळांचे PHOTO

ब्रिटनच्या फिलहाममध्ये कोरोना लॉकडाऊन शिथील करण्यात आल्यानंतर शाळा सुरू झाल्या. L'Ecole des Petits या शाळेत मुलांना सोशल डिस्टन्सिंग ठेवण्यासाठी असे हुप्स ठेवण्यात आलेत. (Image: Reuters)

थायलँडच्या व्हिचुतिथ स्कूलमधील ही दृश्यं जिथं मुलं जेवण करत आहेत. त्यांच्यामध्ये एक काच ठेवण्यात आली आहे. शिवाय त्यांच्या समोर किंवा अगदी शेजारी दुसरा विद्यार्थी नाही. (Image: Reuters)

थायलंडमधीलच सॅम खोक स्कूलमध्ये वर्गात मुलांच्या समोर असे बॉक्स ठेवण्यात आलेत. ज्याला समोर एक काच आहे ज्यातून त्यांना समोरचं दिसू शकतं. मात्र आजूबाजूचा विद्यार्थी या बॉक्समधून दिसणार नाही. (Image: Reuters)

जपानच्या टाकानेदाई दैसेन एलेमेंट्री स्कूलमधील म्युझिक क्लास सुरू असताना मुलं अशी आवश्यक ती सोशल डिस्टन्सिंग ठेवत गाणी गात आहेत, टाळ्या वाजवत आहेत. (Image: Reuters)

जपानमधील याच शाळेतील हे दुसरं चित्र जिथं सोशल डिस्टन्सिंगसाठी पायांच्या ठशाप्रमाणे मार्क करण्यात आले आहेत. जेणेकरून मुलं यावरच उभे राहतील. (Image: Reuters)

व्हर्जिनायातील मंटुआ एलिमेंट्र स्कूलच्या प्रशासकीय सहाय्यक मेरी डेलवेल्ले शाळेतील ऑफिसमध्ये  एका काचेच्या पलीकडे बसल्या आहेत. (Image: Reuters)

फक्त वर्गातच नव्हे तर टॉयलेटमध्येही सोशल डिस्टन्सिंग राखलं जात आहे. सोशल डिस्टन्सिंग ठेवण्याचा सूचना देणारा बोर्ड लावण्यात आला आहे. शिवाय सोशल डिस्टन्सिंग राखलं जावं यासाठी प्रत्येकी एका टॉयलेटनंतर दुसरा टॉयलेट बंद ठेवण्यात आला आहे. फ्रान्समधील प्राथमिक शाळेतील हे दृश्यं आहे. (Image: Reuters)

शाळेच्या आवारातही सोशल डिस्टन्सिंगची पुरेपूर खबरदारी घेतली जात आहे. कॅनडातील या शाळेच्या आवारात हिरव्या रंगाचे मोठे वर्तुळ काढण्यात आले आणि मुलांना त्यानुसारच रांगेत चालत येऊन शाळेत सोडलं जातं आहे. (Image: Reuters)

फ्रान्समधील शाळेतही असंच काहीसं दृश्यं. सिमोन वेल या प्राथमिक शाळेत प्रवेश करताना अशा पद्धतीचे चौकन आखलेले दिसतील. एक चौकन सोडून दुसरा विद्यार्थी उभा राहतो आणि एकेएक करून विद्यार्थ्यांना आत सोडलं जातं. (Image: Reuters)

बेल्जिअममधील फ्लेमिश प्रायमेरी स्कूलमध्ये मुलांचे बेंच असे दूर दूर ठेवण्यात आलेत. शिवाय विद्यार्थी आणि शिक्षकांनी मास्कही घातला आहे. (Image: Reuters)

ऑस्ट्रेलियातील या शाळेत शिक्षक विद्यार्थीनीशी बोलत आहेत. ही मुलं एकमेकांच्या अगदी जवळ नाहीत. शिवाय या सर्वांनी मास्क घातला आहे. (Image: Reuters)

बेल्जिअमच्या फ्रँकोफोन प्रायमेरी स्कूलमध्ये वर्गात जाण्यापूर्वी मुलं अशा पद्धतीने उभे आहेत. मुलांनी मास्क घातलं आहे आणि आवश्यक तितकं सोशल डिस्टन्सिंग ठेवलं आहे. (Image: Reuters)

ऑस्ट्रियातील शाळा सुरू झाल्यानंतर प्रायमरी स्कूलमध्ये जाणाऱ्या विद्यार्थीनीने फेस मास्क घातला आहे. शिवाय शाळेत येताच ती सॅनिटायझरने हात डिसइन्फेक्ट करताना दिसते आहे. (Image: Reuters)

असं पाहिलं तर एखादा वर्ग वाटावा मात्र हे कँटिन आहेत. चीनमधील शाळेच्या कँटिनमध्ये मुलं आणि शिक्षक अशा पद्धतीने आवश्यक सोशल डिस्टन्सिंग पाळत आहेत. (Image: Reuters)