कोरोना काळात घाई-घाईत केला लग्नाचा खटाटोप; दोन महिन्यात संसाराचं चित्रचं बदललं

कोरोनामुळे सर्वांचेच जनजीवन विस्कळीत झालं आहे. असे असले तरी या काळात अनेक लग्ने पार पडली. काही प्रेम प्रकरणं तर कोरोनाकाळात झाली आणि झटपट लग्नही झाली. कोरोना काळात लग्नासाठी कमी माणसांना बोलावण्याचा नियम असल्याने कमी खर्चात उरकता येईल या विचारानेही अनेक लग्न पार पडली.

मात्र आता याचा दुष्परिणाम पाहायला मिळत आहे. शहरातील समुपदेशकांचा वादाची व घटस्फोटाच्या तक्रारींमध्ये वाढ झाल्याचे पाहायला मिळत आहे.

या पैकी अनेक दाम्पत्यांनी तर अवघ्या दोन ते तीन महिन्यात घटस्फोट घेतला आहे. घाईगडबडील लावलेल्या लग्नांमुळे पुरेशी ओळख नसतानाही दोन व्यक्तींवर एकमेकांसोबत राहण्याची वेळ आली.

गेल्या दोन महिन्यात 80 टक्के प्रकरणात घटस्फोट झाले आहेत. सतत एकत्र राहिल्यामुळे एकमेकांचे स्वभाव अधिक जवळून जाणता येत असल्याने वाद वाढला आहे. नोकऱ्या गेल्यामुळे काही तर व्यसन जडलं आहे.

हा प्रकार सर्वांच्यात बाबतीत होता असं म्हणता येणार नाही. काहींनी लॉकडाऊनचा काळ चांगल्या प्रकारे घालवला. पती-पत्नीला इतका वेळ एकत्र घालवण्याची संधी मिळत नसते. जी लॉकडाऊनने दिली. काही दाम्पत्यांनी प्लानिंग करुन या दिवसात नवीन बाबी सुरू केल्या.

अमरावतीमधील एका समुपदेशिकांनी दिलेल्या माहितीनुसार गेल्या दोन महिन्यात पती-पत्नीमधील वादाशी संबंधित अनेक प्रकरणं दाखल झाली आहेत. समुपदेशन घेतल्यानंतरही अनेकांनी वेगळं राहण्याचा निर्णय घेतला.