बापरे! या राज्यात मास्क न लावल्यास 1 लाखांचा दंड आणि 2 वर्षांचा तुरुंगवास

कोरोना प्रादुर्भा रोखण्यासाठी विविध राज्यांकडून नवनवे प्रयोग केले जात आहे. त्यात झारखंड सरकारने मोठी घोषणा केली आहे. मास्क न लावणाऱ्यांना किंवा कोरोनाच्या नियमांचं उल्लंघन करणाऱ्यांच्या खिशाला मोठा फटका बसणार आहे. अशांना 1 लाख रुपयांचा दंड किंवा तब्बल 2 वर्षांपर्यंतच तुरुंगवास भोगावा लागू शकतो.

झारखंडमध्ये गेल्या काही दिवसांपासून कोरोनाची रुग्णसंख्या झपाट्याने वाढत आहे. त्यामुळे राज्य सरकारने सर्व नियम अधिक कडक केले आहे. या नव्या अध्यादेशानुसार रस्ता, बाजार किंवा कोणत्याही सार्वजनिक ठिकाणी नागरिकांना मास्क लावणे अनिवार्य आहे. याशिवाय सोशल डिस्टन्सिंगचे पालन करण्यासही सांगण्यात आले आहे.

झारखंड सरकारने कोरोना प्रादुर्भाव 2020 असा अध्यादेश काढला आहे. कॅबिनेट बैठकीत याला मंजुरी देण्यात आली आहे. झारखंड सरकारच्या या नव्या शिक्षेची चर्चा संपूर्ण देशात सुरू आहे

झारखंडमध्ये आतापर्यंत कोरोना रुग्णांची संख्या 6485 पर्यंत पोहोचली असून 64 जणांचा मृत्यू झाला आहे. तर आतापर्यंत 3024 रुग्ण बरे झाले आहेत.