इलेक्ट्रिक कुकरमध्येही सॅनिटाइझ करू शकता N95 मास्क; समजून घ्या प्रक्रिया

कोरोनाव्हायरसपासून बचावासाठी मास्क खूप महत्त्वाचा आहे. मात्र मास्क वापरताना तो तितक्याच सुरक्षितरित्या सॅनिटाइझ करणंही गरजेचं नाही. नाहीतर हाच मास्क आपल्यााल आजारी पाडण्यासाठी कारणीभूत ठरू शकतो.

सध्या घरच्या घरी मास्क सॅनिटाइझ करण्यासाठी लोक साबण आणि पाण्याचा वापर करत आहेत. मास्क सॅनिटाइझ करण्यासाठी तज्ज्ञांनी काही उपकरणंही तयार केली आहेत. मात्र घरच्या घरी उपलब्ध असलेल्या वस्तूंमार्फत मास्क सॅनिटाइझ कसा करता येईल याबाबतही संशोधकांनी अभ्यास केला.

इलेक्ट्रिक कुकरमध्येही (Electric cooker) मास्क सॅनिटाइझ करता येऊ शकतं, असा दावा संशोधकांनी केला आहे.  एन्व्हायरमेंटल सायन्स अँड टेक्नोलॉजी लेटर्समध्ये हे संशोधन प्रकाशित करण्यात आलं आहे.

एन95 मास्क इलेक्ट्रिक कुकरमध्ये सॅनिटाइझ होतो आणि यामुळे मास्कच्या फिल्टरवरही काही दुष्परिणाम होत नाही, असं संशोधकांनी सांगितलं आहे.

अमेरिकेच्या इलिनोइ युनिव्हर्सिटीचे संशोधक विशाल विर्मा म्हणाले, मास्क व्हायरसमुक्त करण्याच्या वेगवेगळ्या पद्धती आहेत. मास्क सॅनिटायझेशन केल्यानंतर मास्कचं फिल्टर्स खराब होतात. त्यामुळे कोणतंही मास्क सॅनिटायझ करताना त्याचं फिल्टर सुरक्षित राहिल यांची काळजी घेणं गरजेचं आहे. जे इलेक्ट्रिक कुकरमध्ये शक्य आहे. 

इलेक्ट्रिक कुकरमध्ये ड्राय हिट तीन मानदंडांना पूर्ण करतं. त्यासाठी कोणत्या रासायनिक पदार्थांचीही गरज नाही. एन95 मास्क 100 डिग्री सेल्सियस तापमान असलेल्या इलेक्ट्रिक कुकरमध्ये 50 मिनिटं ठेवल्यास मास्क बॅक्टेरिया आणि व्हायरसमुक्त करता येऊ शकतो.