पुरुषांपेक्षा महिलांची हाडं ठिसूळ का होतात?

हाडं ठिसूळ होण्याची समस्या पुरुषांच्या तुलनेत महिलांमध्ये जास्त जाणवते. हाडांबाबत महिलांच्या अनेक समस्या असतात. स्त्रियांमध्ये वाढत्या वयात हा आजार मोठ्याप्रमाणात दिसून येतो.

हाता-पायाची हाडं दुखणं, सतत कंबर दुखणं, सांधेदुख, पाठीच्या कण्यामध्ये बाक येणं, हाड फ्रॅक्चर होणं ही हाडं ठिसूळ झाल्याची लक्षणं आहेत. 

तज्ज्ञांच्या मते, अनेक महिला वजन कमी करणाच्या नादात कमी खातात. त्यामुळे त्यांच्या शरीरात कॅल्शिअमची कमतरता भासू लागते आणि हाडं कमकुवत होऊ लागतात.

मासिक पाळी बंद झाल्यानंतर शरीरातील हार्मोन्स कमी होतात आणि त्यामुळेदेखील शरीरातील कॅल्शिअम कमी होऊ लागतं.

कॉफीच्या अतिसेवनानेही हाडांवर परिणाम होतो, त्यामुळे कॉफीचं सेवन कमी करा.  शरीराला कॅल्शियम मिळेल असा आहार घ्यावा. डॉक्टरांच्या सल्ल्यानुसार ‘ड’ जीवनसत्त्वाच्या गोळ्या आणि इंजेक्शनचा वापर करावा.