कोरोनाला हरवल्यानंतर फुफ्फुसाची गंभीर समस्या; कोरोनामुक्त ब्राझीलच्या राष्ट्राध्यक्षांनी सांगितली लक्षणं

ब्राझीलचे राष्ट्राध्यक्ष जैर बोल्सोनारो यांना 7 जुलैला त्यांना कोरोनाचं निदान झालं होतं. त्यांना आयसोलेशनमध्ये ठेवण्यात आलं होतं.  गेल्या शनिवारीच त्यांचा कोरोना रिपोर्ट नेगेटिव्ह आला आहे.

बोल्सोनारो काही दिवसांपूर्वीच कोरोनामुक्त झाले आहेत. मात्र आता त्यांना एका नव्या समस्येचा सामना करावा लागतो आहे. 20 दिवस घरातच राहिल्यानंतर आपल्याला फुफ्फुसाची समस्या उद्भवल्याचं बोल्सोनारो यांनी सांगितलं.

आपल्याला उद्भवत असलेल्या समस्येनंतर आपण आपली रक्त चाचणी केली आणि त्यामध्ये आपल्या आपल्या फुफ्फुसात मोल्ड असल्याचं निदान झाल्याचं बोल्सोनारो म्हणाले.

आपल्याला झालेल्या या इन्फेक्शनबाबत त्यांनी सविस्तर माहिती दिली नाही. मात्र आपल्याला कोणत्या समस्यांचा सामना करावा लागतो आहे ते सांगितलं.

आपल्या खूप अशक्तपणा आणि थकवा जाणवत असल्याचं बोल्सोनारो म्हणाले.  फुफ्फुसातील या इन्फेक्शनवर उपचारासाठी आपण अँटिबायोटिक्स घेत असल्याचंही त्यांनी सांगितलं.