धक्कादायक! आरोपीला सोडण्यासाठी 'या' लेडी दबंगनं घेतली तब्बल 35 लाखांची लाच

पोलीस अधिकारी लोकांची सेवा करण्यासाठी आणि गुन्हेगारांना अद्दल घडवण्यासाठी असतात, मात्र काही पोलिसांच्या लाच घेण्याच्या सवयीमुळं संपूर्ण विभागची बदनामी होत असते.

असाच काहीसा प्रकार अहमदाबादमधील लेडी दबंग पोलीस उप-निरिक्षकानं केला. श्वेता जडेजा असे त्यांचे नाव असून, त्यांच्यावर 35 लाखांची लाच मागितल्याचा आरोप आहे.

श्वेता जडेजा यांच्यावर या प्रकरणी गुन्हा दाखल करण्यात आला. श्वेता या लेडी दबंग म्हणून ओळखल्या जातात.

पीएसआय श्वेता जडेजावर एका आरोपीवरचे गुन्हा मागे घेण्यासाठी लाच मागितल्याचा आरोप आहे.

श्वेता यांनी या आरोपीकडून 20 लाख रुपये घेतले होते, त्यानंतर 15 लाखांची मागणी केली होती.

दरम्यान, काही अधिकाऱ्यांना याबाबत माहिती मिळाल्यानंतर श्वेता जडेजा यांची चौकशी करण्यात आली. यात त्यांनी लाच घेतल्याचे समोर आले.