अमेरिकेनंतर आता ब्राझील-पॅराग्वेमध्ये अग्नीतांडव, शेकडो प्राण्यांचा मृत्यू; मन हेलावून टाकणारे PHOTO

अमेरिकेच्या जंगलात गेल्या एक महिन्यापासून भीषण आग लागली (Wild Fire) असून ही आग पश्चिमेकडील 12 राज्यांतील 100 हून अधिक जंगलांमध्ये पसरली आहे. केवळ अमेरिकाच नाही तर जगातील इतर दोन देश ब्राझील आणि पराग्वे येथेही भीषण लागली आहे.

अमेरिकेत कॅलिफोर्निया आणि ओरेगॉन ही राज्य सर्वाधिक असुरक्षित आहेत. या दोन राज्यात 4250 चौरस किलोमीटर क्षेत्रात आग पसरली आहे. दोन्ही राज्यातील सुमारे 10 लाखा लोकांना घर सोडून जावे लागले आहे.

मंगळवारी रात्री अमेरिकेच्या उत्तर कॅलिफोर्नियामधील वाईन काउंटीमध्ये भीषण आग लागली. यात तीन लोकांचा मृत्यू. त्याच वेळी 70 हजार लोकांचे स्थलांतर करण्यात आले आहे. अधिका ऱ्यांनी सांगितले की 15 हजाराहून अधिक अग्निशमन दल ही आग विझविण्यात गुंतले आहेत. हेलिकॉप्टर आणि विमानांची मदतही घेतली जात आहे.

हवामान खात्याच्या म्हणण्यानुसार, समुद्र किनाऱ्यावरील भागात 70-80 किमी वेगाने वारे वाहतात. यामुळे आग वेगाने पसरत आहे. रविवारी नापा-सोनोमा काउंटी आग लागण्यास सुरुवात झाली. याआधी तीन वर्षांपूर्वी काउन्टीमध्येही अशीच आग पसरली होती ज्यात 22 जणांचा मृत्यू झाला होता.

कॅल फायर डिव्हिजनचे प्रमुख बेन निकोलस म्हणाले की सोनोमा आणि नापा काऊन्टीमधून 68,000 हून अधिक लोकांना बाहेर काढण्यात आले आहे. राज्यभरात सुमारे 30 ठिकाणी आग लागली आहे.

ते म्हणाले की, इतर अनेक रहिवाशांना अलर्ट करण्यात आले आहे. त्यांना जागा घरं रिकामी करण्यास सांगण्यात आले आहे. सोमवारी वारा कमी झाल्यानंतर अग्निशमन दलाला आग विझविण्यात काही मदत मिळू शकेल.

दुसरीकडे, पेंटानल ब्राझीलच्या जंगलात भीषण आगीमुळे शेकडो प्राणी मरण पावले आहेत. ब्राझीलमध्ये जगातील सर्वात मोठे आर्द्र जंगल आहे. पण या आपत्तीजनक आगीमुळे जमिनीतील ओलावा निघून गेला. ब्राझीलमध्ये पसरलेली आग पराग्वे येथे पोहोचली आहे.

पराग्वेमध्येही बुधवारी पुन्हा आग लागली. त्याचा धूर राजधानी असुनसीनवर घसरला आहे. ब्राझीलमार्गे ही आग येथे पोहोचली. आगीवर नियंत्रण मिळवता आले नाही. ही आग वेळेवर विझविली नाही तर ती बोलिव्हियात पोहोचू शकते.