whatsapp चॅटिंगचा नाही घेता येणार तुम्हाला स्क्रीनशॉट; अ‍ॅड होणार 'हे' नवं फिचर

इन्स्टंट मॅसेजिंग प्लॅटफार्म या whatsappच्या फिचरबाबत दर आठवड्याला कोणतं ना कोणतं वृत्त झळक असतं. आता आणखी एक माहिती whatsapp मधील लोकांच्या प्रायव्हसीबाबत असलेल्या फिचरबाबत समोर आली आहे.

WABitaInfoच्या माहितीनुसार Whatsapp अँड्रॉईड बीट व्हर्जन 2.19.106 मधील सिक्युरिटी फिचरमध्ये विशेष बदल करणार येणार आहेत. सोबतच त्यात एक नवं डुडल फिचरसुद्धा समाविष्ट करण्यात येणार आहे.

WABitaInfo प्रसिद्ध केलेल्या माहितीनुसार whatsapp वर एक असं नवं फिचर ऍड करणार आहे, ज्यामुळे तुम्हाला केलेल्या चॅटिंगचा स्क्रीनशॉट घेता येणार नाही.

कंपनीने नुकतंच फिंगरप्रिंट ऑथींटीकेशन फिचरसुद्धा ऍड केलं, जे iOS आणि अँड्रॉईड मोबाईलसाठी अपडेट करण्यात आलं आहे.

वास्तविक पाहता या फिचरवर आजून काम सुरू असून त्याबाबत अद्याप Whatsapp कडून कोणतीही वाच्यता करण्यात आलेली नाही.

Whatsapp च्या नव्या बीट व्हर्जनमध्ये 2.19.206 मध्ये अॅड करण्यात आलेलं नवं डुडल दिसायला इंस्टाग्राम डुडल ड्राव्हर सारखं आहे.