विराट कोहलीने केली मोठी चूक, वेस्ट इंडिजने घेतला याच संधीचा फायदा

कसोटी सामन्यात व्हाइट वॉश दिल्यानंतर कोहलीच्या नेतृत्वात टीम इंडिया एकदिवसीय सामना जिंकण्याच्या हेतूनेच मैदानात उतरली. मात्र विराट कोहलीच्या हातून एक चूक झाली, ज्याचा फायदा विंडीजने घेत ३२२ धावांचा डोंगर रचला.

या सामन्यात भारतीय संघात रिषभ पंतचा समावेश करण्यात आला होता. पंतचा हा पदार्पणाचा सामना आहे.

कोहलीने पंतला सामन्यात संधी देण्यासोबत संघात एक मोठा बदल केला. कोहलीने कुलदीप यादवचा संघात समावेश केला नाही.

कोहलीच्या या निर्णयाचे क्रिकेट तज्ज्ञांनाही आश्चर्य वाटले. कसोटी मालिकेत उत्कृष्ट कामगिरी करणाऱ्या कुलदीपला आजच्या सामन्यात संधी न देणं टीम इंडियाला महागात पडलं.

वेस्ट इंडिजच्या फलंदाजांनी भारतीय जलद गोलंदाजांची दाणादाण उडवली. ५० षटकात ३२२ धावा करत धावांचा डोंगर रचला. भारतासाठी या धावांचा पाठलाग करणं सोप्प नसेल.