कडू पदार्थांनीही होतं वजन कमी; मेटाबॉलिझम सुधारून चरबी कमी करणारा हा रस रोज प्या

वजन कमी करण्यासाठी कडुलिंबाच्या रसाचाही उपयोग करू शकता. कडूलिंबाची कडू चव कोणालाच आवडत नाही पण, हा रस आवडत नसला तरी शरीरासाठी खूप फायदेशीर आहे इतर आजारांबरोबर वजन कमी करण्यासाठी उपयोग होतो.

कडुलिंब शरीरातील पोषकद्रव्य शोषण्याचे काम करतं आणि शरीरात जमा होणारी चरबी जाळतं. याशिवाय पचन सुधारून वजन नियंत्रित करण्यास मदत करतं.

कडुलिंबाचा रस तयार करण्यासाठी आधी 15 ते 20 कडूलिंबाची पाने घ्या. ही पाने पाण्याने धुवा. यानंतर ते मिक्सरच्या भांड्यात अर्धा ग्लास पाणी आणि ही पानं घाला. बारीक वाटा. हा रस गाळून घ्या. रोज एक ग्लास रस प्यायल्यास. हळूहळू फरक दिसू लागेल.

कडुलिंबाच्या रसात फायबर असतं कडुलिंबाचा रस पिण्याने पचन प्रक्रिया संथ गतीने होते आणि पोट बराच काळ भरलेलं राहतं. लवकर भूक न लागल्याने शरीरात साठलेली चरबी आपोआप वितळून जाते.

कडुलिंबाच्या औषधी गुणांमुळे शरीर आतून साफ करण्यास मदत होते. शरीरातील सगळे विषारी घटक काढून टाकले जातात. शरीरावरील सुज आणि वजन वाढवण्यास कारणीभूत ठरणारे सगळे घटक कमी करण्यात मदत करतं.

मेटाबॉलिजम कमी झालं की वजन वाढायला लागतं. मेटाबॉलिजम वाढवण्यासाठी कडुलिंबाचा रस देखील फायदेशीर आहे.

कडुलिंबामध्ये बरेच ऍन्टी-ऑक्सिडंट्स असतात. शरीरातल्या अतिरिक्त कॅलरी कमी करण्यात मदत करतात. त्यामुळे वजन कमी करण्यात मदत होते.