खवळलेल्या समुद्रात दोन बोटी बुडाल्या, पाहा भीषण वादळाचे 8 PHOTOS

महाराष्ट्रासह दक्षिण भारतातल्या अनेक राज्यांमध्ये येत्या दहा तारखेपर्यंत ऑरेंज अलर्ट जारी करण्यात आला आहे. अशात रत्नागिरी जिल्ह्यातील हर्णे बंदरात रात्री अचानक आलेल्या वादळ सदृश परिस्थितीने अनेक बोटींची धुळधान उडाली होती.

यामध्ये दोन बोटींना जलसमाधी सुद्धा मिळाली आहे. मात्र कोणत्याही प्रकारची जीवित्तहानी झाली नाही.

जलसमाधी मिळालेल्या बोटीवरील खलाशांना वाचवण्यात यश आलं आहे.

रात्री मासेमारीसाठी परतणाऱ्या बोटी वादळ सदृश्य परिस्थितीने अचानक समुद्रामध्ये भरकटलेल्या मच्छीमार यामध्ये एकच हाहाकार उडाला आणि जो तो आपल्या पोटी आणि जीव वाचवण्यासाठी धडपडू लागला.

मात्र बोटी हर्णे बंदर परिसराच्या आजूबाजूला व सुवर्णदुर्ग किल्ल्याच्या आडोशाला आल्यामुळे मोठी हानी टळली आहे.

याठिकाणी असल्यामुळे वारंवार मच्छीमारांना वादळ सदृश्य परिस्थितीला सामोरे जावे लागत आहे.

दरम्यान, रात्री राज्यातल्या अनेक भागांमध्ये विजांच्या कडकडाटासह मुसळधार पाऊस सुरू झाला आहे.

तर 10 सप्टेंबरपर्यंत महाराष्ट्रासह उत्तराखंड तामिळनाडू केरळ कर्नाटक या राज्यांमध्ये मुसळधार पावसाची शक्यता हवामान खात्याने वर्तवली आहे.