शिवशाही बस आणि टॅक्सीनं भर रस्त्यात घेतला पेट, पाहा आगीची दाहकता दाखवणारे PHOTO

भिंवडी आणि शिर्डीमध्ये वाहनांना रस्त्यावरच आग लागल्यानं मोठी खळबळ उडाली आहे.

रस्त्याच्या बाजूला उभ्या असलेल्या शिवशाही बसने अचानक पेट घेतला. बघता बघता ही आग इतकी वाढली की संपूर्ण गाडी आगीच्या भक्ष्यस्थानी आली.

पुणे - नाशिक महामार्गावर चंदनापुरी शिवारातील जावळे वस्ती इथे ही दुर्घटना घडली आहे.

आग लागताच बसमधील सर्व प्रवाशांना खाली उतरवण्यात आलं. त्यामुळे सुदैवानं यामध्ये कोणतीही जीवितहानी झाली नाही. मात्र आगीचं कारण अद्याप समजू शकलं नाही.

भिंवडीमध्ये वंजारपट्टी नाका इथे टॅक्सी (ओमनी व्हॅनला) आग लागली आहे. अचानक आग लागली असल्यानं मोठा गोंधळ उडाला. मात्र तत्काळ नागरिकांनी पाणी मारून आगीवर नियंत्रण मिळवलं. त्यामुळे मोठी दुर्घटना टळली आहे.

दोन्ही दुर्घटनांमध्ये गाडीचं मोठ्या प्रमाणात जळून नुकसान झालं आहे. सुदैवानं कोणतीही जीवितहानी झाली नाही.