मामासोबत लग्न केलेल्या तरुणीसोबत भीषण प्रकार; तिघांनी अपहरण करून वारंवार केला बलात्कार

राजकोट जिल्ह्यामधून एक हैराण करणारे वृत्त समोर आलं आहे. या घटनेत तिघांनी एक कुटुंबावर जीवघेणा हल्ला केला. आणि यानंतर घरातील तरुणीचं अपहरण करून तिच्यावर सामूहिक बलात्कार केला. या प्रकरणात महिलेने तिघांविरोधात तक्रार दाखल केली आहे. पोलीस आरोपींचा तपास करीत आहेत.

गोंडल तालुक्यात पॉक्सोअंतर्गत बलात्काराचा गुन्हा दाखल केला आहे. मिळालेल्या माहितीनुसार, गोंडल तालुक्यातील चोरडी गावात राहणाऱ्या हिम्मत चारोलिया, विजय माथसुरिया आणि अब्लो चारोलिया या तिघांनी हल्ला केला होता.

बंदुकीचा धाक दाखवून त्यांनी तरुणीचं अपहरण केलं आणि तिचा बलात्कार केला, यानंतर कोणाला सांगितलं तर जीवे मारण्याची धमकीही दिली. या प्रकरणात तरुणीच्या पतीने पोलीस ठाण्यात तक्रार दाखल केली आहे. या तक्रारीनुसार तरुणीवर अनेकवर बलात्कार करण्यात आला होता.

या प्रकरणात पीडितेच्या पतीने आरोपींविरोधात गुन्हा दाखल केला असून त्यांचा शोध घेतला जात आहे.

प्राथमिक तपासात मिळालेल्या माहितीनुसार, पीडितेचं लग्न तिच्या चुलत मामासोबत झालं आहे. याशिवाय त्यांना 9 महिन्याचा मुलगादेखील आहे. मात्र या तिघांनी तरुणीसोबत अशाप्रकारचं कृत्य का केलं यामागील कारण अद्याप समोर आलेलं नाही. आरोपी पकडल्यानंतर याचा अधिक खुलासा होईल, अशी माहिती पोलिसांनी दिली आहे.