नरेंद्र मोदींचा अभूतपूर्व विक्रम : सलग दोन दशकं सत्तेचा दोर आहे हाती!

नरेंद्र मोदी यांच्या हाती सत्तेची दोरी आली त्याला बरोबर दोन दशकं झाली.

2002 सालची गुजरात निवडणूक जिंकून ते मुख्यमंत्रिपदावर विराजमान झाले. त्यानंतर मोदींच्या हातून सत्तेची दोरी कधीच सुटलेली नाही.

2002, 2007 आणि 2012च्या गुजरात विधानसभा निवडणुका त्यांनी सलगपणे जिंकल्या आणि मुख्यमंत्री झाले.

सप्टेंबर 2013 मध्ये नरेंद्र मोदींना भाजपने पंतप्रधानपदाचे उमेदवार म्हणून घोषित केलं आणि गुजरातमधून त्यांचं लक्ष दिल्लीकडे वळलं.

2014 मधली लोकसभा निवडणूक भाजपने किंबहुना NDA ने नरेंद्र मोदींच्या नेतृत्वात लढवली आणि भाजपच्या नेतृत्वाखालील एनडीएनं मोठं यश मिळवलं .

26 मे 2014 रोजी मोदींनी देशाच्या पंतप्रधानपदाची शपथ घेतली.

2019 मध्ये पुन्हा नरेंद्र मोदींच्या नेतृत्वात भाजपने निवडणूक लढवली आणि अभूतपूर्व यश मिळवलं.

2019 मध्ये लोकसभा निवडणुकीत इतिहास घडवत भाजपच्या नेतृत्वाखाली NDA ला 300चा आकडा पार करता आला.

30 मे 2019 रोजी दुसऱ्यांदा मोदी पंतप्रधानपदी आरूढ झाले.