PHOTO : भारत - पाक सीमेवर दाखल होणार हे अत्याधुनिक रणगाडे

भारताने रशियाकडून T-90 MS बनावटीचे 464 रणगाडे खरेदी करण्याचा निर्णय घेतला आहे. केंद्र सरकारने 13,500 कोटींच्या या संरक्षण व्यवहाराला परवानगी दिली आहे.

भारताकडे आधीपासूनच T-72 आणि T-55 रणगाडे आहेत. हे रणगाडेही भारत - पाक सीमेवर तैनात केले जाणार आहेत. यामुळे सीमेवर जास्त संरक्षण मिळेल.

भारताकडे सध्या T-90 हे 1650 रणगाडे आहेत. नवे रणगाडे आल्यानंतर ही संख्या 2 हजारांवर जाईल.

भारतीय सेनेत अर्जुन मार्क - 1 च्या दोन रेजिमेंट आहेत. हे रणगाडे वाळूमध्येही चालवता येतात.

भारताच्या लष्करात T-90 आणि T-72 हे दोन प्रकारचे रणगाडे आहेत. नव्या रणगाड्यांच्या निर्मितीवरही भारतीय लष्कर काम करत आहे.

भारत जे T-90MS रणगाडे रशियाकडून खरेदी करणार आहे ते रणगाडे T-90 या प्रकारातलेच आहेत. T-90MS रणगाडे रात्रीही शत्रूवर हल्ला करण्यासाठी सक्षम आहेत.

T-90MS रणगाड्यांमध्ये हायटेक सुविधा आहेत. हे रणगाडे एका जागेहून दुसऱ्या जागी हलवणं सोपं जातं.

T-90MS रणगाड्यांमध्ये जास्त मारा करण्याची क्षमता आहे.

जगभरात भारताकडे T-90 रणगाडे सगळ्यात जास्त आहेत. लष्करामध्ये जुने झालेले रणगाडे बदलून त्याजागी नवे रणगाडे दाखल होणार आहेत.

भारतीय रणगाड्यांचा सामना करण्यासाठी पाकिस्तानही आपली क्षमता वाढवण्यावर भर देतो आहे.