ही चिमुरडी आहे जगातली सगळ्यात ताकदवान मुलगी! फक्त 7 व्या वर्षी उचललं 80 किलो वजन

वयाच्या पाचव्या वर्षापासून वेटलिफ्टिंगचं ट्रेनिंग घेणाऱ्या या चिमुरडीने फक्त सातव्या वर्षी 80 किलो वजन उचलून पराक्रम केला आहे

रॉरी व्हॅन उल्ट नावाची ही कॅनडाच्या ओटावा इथे राहणारी ही मुलगी 11 वर्षांखालील गटातली वर्ल्ड चॅम्पियन ठरली आहे.

कॅव्हन आणि लिंडसे व्हॅन या दाम्पत्याची मुलगी रॉरी वेटलिफ्टर नव्हे तर अॅथलिट आहे.

फक्त चार फूट उंचीची ही चिमुरडी 60 किलो वजन सहज उचलू शकते. नुकतंच 80 किलो वजन उचलून तिने विक्रम केला.

रॉरी व्हॅन आता तिसरीत आहे. शाळेच्या अभ्यासाव्यतिरिक्त ती आठवड्यातून 9 तास जिम्नॅस्टिक्सचा सराव करते आणि चार तास वेटलिफ्टिंगला देते.

रॉरीला या लहान वयातच दिग्गज प्रशिक्षकांकडून तालीम मिळत आहे. तिचे काही वेटलिफ्टिंगचे व्हीडिओ instagram वर उपलब्ध आहेत. तिचे पालक तिचं अकाउंट मॅनेज करतात.

रॉरी वयाच्या पाचव्या वर्षीपासून जिम्नॅस्टिक्सचं प्रशिक्षण घेते आहे. त्याचाच सराव ती अधिक वेळ करते.

हातावरचे टॅटू खरंखुरं गोंदवून करून घेतले आहेस का विचारल्यावर ती लाजत नाही असं सांगते. ते टेम्पररी टॅटू असल्याचं रॉरी सांगते.