सिनेमाची कथा- जॉनचा परमाणु हा पॉलिटिकल सिनेमा गेल्या वर्षी प्रदर्शित झाला होता. या सिनेमाने बॉक्स ऑफिसवर तगडी कमाई केली होती. या सिनेमातून जॉनने पॉलिटीकल जॉनरमध्ये स्वतः फिट केले होते. परमाणुप्रमाणे रॉ सिनेमाही सत्य घटनेवर आधारित आहे. या सिनेमासाठी जॉनने स्वतःच्या फिजिक्समध्ये अनेक बदल केले होते.
अभिनय- या सिनेमात जॉनच्या अभिनयाचा कस लागेल यात काही शंका नाही. या सिनेमासाठी त्याने वजन कमी केलं असून सिक्रेट एजंटचा कसून अभ्यासही केला आहे. यात जॉन आठ वेगवेगळ्या लुकमध्ये दिसणार आहे. या सगळ्यात जॉन नेहमीच म्हणाला की, त्याला ओव्हर अक्टिंग करायला आवडत नाही. आधी असा अभिनय लोकांना आवडायचा पण आता प्रेक्षक सुज्ञ झाले असून Subtle त्यांनाही अभिनय जास्त भावतो.
तिकीट खिडकीवर कोणतीच स्पर्धा नाही- रॉसोबत विवेक ओबेरॉयचा पीएम मोदी सिनेमा प्रदर्शित होणार होता. मात्र ५ एप्रिलला हा सिनेमा प्रदर्शित होणार नसल्याचं म्हटलं जात आहे. त्यामुळे संपूर्ण आठवड्यात रॉ सिनेमाला कोणत्याच दुसऱ्या सिनेमाची स्पर्धा नाहीये. त्यामुळ तिकीटबारीवर हा सिनेमा चांगली कमाई करू शकतो. विशेष म्हणजे जवळपास १२ दिवसांनी करण जोहरचा मल्टिस्टारर कलंक सिनेमा प्रदर्शित होणार आहे.