IND vs ENG : मॅचआधी हरमनप्रीत, स्मृती आणि हरलीनची इंग्लंड सफारी, पाहा PHOTO

भारत आणि इंग्लंड यांच्यातल्या महिला टीममध्ये (India vs England) तीन वनडे मॅचच्या सीरिजला सुरुवात झाली आहे, त्याआधी भारतीय टीमच्या खेळाडूंनी इंग्लंडची सफारी केली. यामध्ये स्मृती मंधाना, हरमनप्रीत कौर, प्रिया पूनिया, हरलीन देओल यांचा समावेश होता. इंग्लंडमध्ये फिरतानाचे या खेळाडूंचे फोटो सोशल मीडियावर व्हायरल झाले आहेत. वनडे सीरिजआधी भारतीय महिला टीमने इंग्लंडविरुद्धची टेस्ट मॅच ड्रॉ केली, यानंतर खेळाडूंनी आठवडाभर आराम केला.

इंग्लंडविरुद्धच्या टेस्टमध्ये स्मृती मंधानाचा (Smriti Mandhana) एक फोटो सोशल मीडियावर व्हायरल झाला होता. स्मृती सोशल मीडियावर मोठ्या प्रमाणात ऍक्टिव्ह असते, तिचे इन्स्टाग्रामवर 43 लाख फॉलोअर्स आहेत.

मंधानाने भारताकडून 56 वनडेमध्ये 2,172 रन केले आहेत. आपल्या छोट्याशा करियरमध्ये तिने 4 शतकं आणि 18 अर्धशतकं केली.

भारताची विकेट कीपर तानिया भाटियाने (Taniya Bhatia) भारताकडून 15 वनडे खेळल्या. इंग्लंडविरुद्धची टेस्ट ड्रॉ करण्यासाठी तानियाने दुसऱ्या इनिंगमध्ये संघर्षमय खेळी केली.

इंग्लंडमध्ये भटकंती करताना स्मृतीने ऑलराऊंडर हरमनप्रीत कौरसोबतही (Harmanpreet Kaur) एक फोटो काढला. या दोघी टीम इंडियाच्या आधारस्तंभ आहेत.

भारताची अनुभवी फास्ट बॉलर झूलन गोस्वामीही (Jhulan Goswami) हरमनप्रीत कौरसोबत होती.

20 वर्षांची जेमिमा रॉड्रिग्स (Jemimah Rodrigues) भारताकडून 19 वनडे आणि 47 टी-20 मॅच खेळली आहे.

हरलीन देओलची (Harleen Deol) भारताच्या टेस्ट टीममध्ये निवड झाली नव्हती, पण मर्यादित ओव्हरच्या सीरिजसाठी तिला संधी देण्यात आली आहे. हरलीनने 2 वर्षांपूर्वी टीम इंडियात पदार्पण केलं होतं. तिने 1 वनडे आणि 9 टी-20 खेळल्या आहेत.

24 वर्षांच्या प्रिया पूनियाने (Priya Puniya) अगदी कमी वेळेत भारताच्या वनडे टीममधलं आपलं स्थान पक्कं केलं आहे.