स्वित्झर्लंड नव्हे आपल्या मनालीमध्ये आहे 'हे' ठिकाण : इग्लूमध्ये राहतात पर्यटक

अंटार्टिकामध्ये राहण्यासाठी इग्लू (Igloo) ही बर्फाची घरं असतात, हे आपण शाळेच्या पुस्तकात वाचलं असेल, पण पर्यटनासाठी देखील या बर्फाच्या घराचा वापर होताना दिसून येतो. भारतात मनालीमध्ये(Manali) अशा इग्लूत राहायचा अनुभव मिळू शकतो.

हिमाचल प्रदेशातील(Himachal pradesh) मनालीमधील (Manali) दोन युवक मागील पाच वर्षांपासून इग्लू (Igloo) तयार करत आहेत. मनालीपासून 13 किलोमीटर दूर असणाऱ्या सीथन गावात हे इग्लू (Igloo) तयार करण्यात आले असून दूरदूरवरून पर्यटक या ठिकाणी हिवाळी पर्यटनासाठी येत आहेत.

विकास नावाचा तरुण त्याच्या मित्राबरोबर मिळून हे इग्लू (Igloo) तयार करतो. News18 शी बोलताना विकासने सांगितलं की, एक इग्लू तयार करण्यासाठी चार ते पाच दिवसांचा कालावधी लागतो. उत्तम प्रतीचा बर्फ असल्यास इग्लू अतिशय चांगले तयार होतात.

मागील काही वर्षांपासून सीथन या गावाची इग्लूचे (Igloo) गाव म्हणून ओळख झाली आहे. याविषयी बोलताना आशिषने सांगितलं की, पर्यटक यासाठी लांबूनही येत आहेत.

इग्लूमध्ये राहण्याच्या अनुभवाविषयी पर्यटकही भरभरून बोलतात.

मागील काही दिवसांपासून मनालीमध्ये (snow fall in Manali) जोरदार बर्फवृष्टी होत असून रविवारी खूप बर्फवृष्टी झाली होती. तापमान शून्याच्या खाली असून जानेवारी महिन्यात पारा आणखी खाली जाण्याची शक्यता वर्तवण्यात आली आहे.