कोरोना काळात वर्क प्रेशर बेतलं जीवावर, 21-21 तास काम करणाऱ्या 14 डिलिव्हरी बॉयचा मृत्यू

कोरोना काळात एकतर अनेकांच्या नोकऱ्यांवर गदा आली किंवा कामाचा ताण वाढला अशा परिस्थित कामाचा अति ताण आल्यानं कर्मचाऱ्यांचा मृत्यू झाल्याची धक्कादायक घटना समोर आली आहे. (Pic- 90daykorean.com)

मीडिया रिपोर्टनुसार दक्षिण कोरियात मोठ्या प्रमाणात कामाचा ताण वाढला आहे. त्यामुळे सतत काम करून 14 मजूरांना आपले प्राण गमवावे लागले. या घटनेमुळे देशात मोठी खळबळ उडाली आहे.

अधिका काम केल्यानं या मजूरांचा मृत्यू झाल्याचं सांगितलं जात आहे. यामध्ये सर्वाधिक जण डिलिव्हरी बॉय म्हणून काम करत होते.

गेल्या काही महिन्यांपासून ऑनलाइन ऑर्डरची संख्या वाढली आणि कामाचं प्रेशर आलं. त्यामुळे रात्रंदिवस काम करणाऱ्या मजुरांवर ताण येत आहे.

हे मजूर साधारण 21 तासांची शिफ्ट आणि 400 पार्सल नागरिकांपर्यंत पोहोचवत आहेत. एका डिलिव्हरी बॉचं 400 पार्सल पोहोचवून झाल्यानंतर त्याचा मृत्यू झाला होता असंही स्थानिक मीडियानं माहिती दिली आहे.अति कामाचा ताण आल्यामुळे हृदयावर परिणाम झाला आणि त्यामुळे हार्ट अॅटॅकने मृत्यू झाल्याचं सांगितलं जात आहे.