मुलगा सनी देओल आणि पती धर्मेंद्र यांच्यापेक्षाही हेमा मालिनी आहेत श्रीमंत, संपत्तीचा आकडा वाचून डोक्याला लावाल हात

Hema Malini Net Worth: बॉलिवूडची ड्रीम गर्ल म्हणून ओळखल्या जाणाऱ्या अभिनेत्री हेमा मालिनी अशा अभिनेत्रींपैकी एक आहे ज्यांनी आपल्या जबरदस्त अभिनय आणि सौंदर्याच्या जोरावर अनेक दशके इंडस्ट्रीवर राज्य केले. 60 च्या दशकात त्यांनी आपला पहिला चित्रपट केला होता. हेमा मालिनी 'शिमला मिर्च' सिनेमामध्ये शेवटच्या दिसल्या होता, ज्यात रकुलप्रीत सिंह आणि राजकुमार राव मुख्य भूमिकेत दिसले होते. हा चित्रपट 2020 मध्ये प्रदर्शित झाला होता.

बॉलिवूडमधील सर्वात यशस्वी, सुंदर आणि प्रसिद्ध अभिनेत्रींपैकी हेमा मालिनी या एक आहेत. जेव्हा त्यांनी बॉलिवूडमध्ये पाऊल ठेवले तेव्हापासून ते आजपर्यंच सर्वांनाच या ड्रीम गर्ल भुरळ घातली आहे. केवळ प्रेक्षकांमध्ये नव्हे तर बॉलिवूडमधील अनेक सुपरस्टार्स देखील त्याकाळात हेमा मालिनी यांच्यासोबत संसार थाटण्याचं स्वप्न पाहतं होते. त्यामुळचं तर त्यांना 'ड्रीम गर्ल' या नावानं ओळखलं जातं.

हेमा मालिनी यांनी 1968 मध्ये 'सपनों का सौदागर' या चित्रपटातून आपल्या फिल्मी करिअरची सुरुवात केली होती. हेमा मालिनी यांनी धर्मेंद्र यांच्यासोबत एकापाठोपाठ एक अनेक चित्रपट केले आणि 1980 मध्ये त्यांच्याशी लग्न केले. पण, आज आम्ही तुम्हाला हेमा मालिनी आणि धर्मेंद्र यांच्या लव्हस्टोरीबद्दल किंवा त्यांच्या फिल्मी करिअरबद्दल सांगणार नाही तर त्यांच्या एकूण संपत्तीबद्दल सांगणार आहोत. तुम्हाला हे जाणून आश्चर्य वाटेल की हेमा मालिनी संपत्तीच्या बाबतीत पती धर्मेंद्र आणि मुलगा सनी देओल यांना चांगलीच टक्कर देतात.

अभिनेत्री असण्याबरोबरच हेमा मालिनी या राजकारणात देखील सक्रीय आहेत. त्यांनी 2019 च्या निवडणूक प्रतिज्ञापत्रात आपल्या एकूण संपत्तीचा तपशील दिला होता.

हेमा मालिनी यांनी प्रसिद्ध केलेल्या प्रतिज्ञापत्रानुसार त्यांच्याकडे 249 कोटी रुपयांची संपत्ती आहे. होय, हे खरं आहे हेमा मालिनी यांच्याकडे अब्जावधींची संपत्ती आहे.

यापैकी 114 कोटी रुपये त्यांचे आणि 135 कोटी रुपये त्यांचे पती धर्मेंद्र यांचे आहेत. गेल्या काही वर्षांत हेमा यांच्या संपत्तीत सुमारे 72 कोटींची वाढ झाली आहे. कारण, 2014 मध्ये त्यांनी दिलेल्या माहितीनुसार त्यांच्याकडे 178 कोटी रुपयांची संपत्ती होती, त्यामध्ये पती धर्मेंद्र यांच्या संपत्तीचा देखील समावेश होता.

हेमा मालिनी यांना लक्झरी कारची आवड आहे. त्याच्याकडे ऑडी क्यू 5, मर्सिडीज-बेंझ एम-क्लास, ह्युंदाई सेंटा फे सारख्या गाड्या आहेत.

राजकारणात सक्रिय असलेल्या हेमा मालिनी यांच्या संपत्तीबद्दल बोलायचे झाले तर लक्झरी गाड्यांबरोबरच जबरदस्त दागिन्यांचेही कलेक्शन देखील त्यांच्याकडं आहे. होय, संपत्तीच्या बाबतीत त्या पती धर्मेंद्र यांना देखील कडवी टक्कर देतात.

धर्मेंद्र यांचा मुलगा सनी देओलकडेही काही कमी संपत्ती नाही. पण तुम्हाला हे जाणून आश्चर्य वाटेल की, त्याचा संपत्तीचा आकडा हा हेमा मालिनी यांच्यापेक्षा कमी आहे.

मिळालेल्या माहितीनुसार सनी देओलकडे एकूण 83 कोटींची संपत्ती आहे. त्याच्याकडे 60 कोटींची जंगम आणि 21 कोटींची स्थावर मालमत्ता आहे.