धक्कादायक! मंदिर परिसरात पुजाऱ्याची महिलेला मारहाण; केस पकडून कानशिलात लगावल्या

पाटना, 7 ऑगस्ट : सध्या बिहारमधील एक व्हिडीओ व्हायरल होत आहे. या व्हिडीओमध्ये एका मंदिराचे पुजारी महिलेला कानशिलात लगावताना दिसत आहेत. ही महिला दर्शनासाठी आल्याचं सांगितलं जात आहे. मिळालेल्या माहितीनुसार हा व्हिडीओ व्हायरल झाल्यानंतर मंदिर समितीने पुजारीविरोधात कारवाई केली आहे. व्हिडीओ व्हायरल झाल्यानंतर लोक विविध प्रकारच्या प्रतिक्रिया देत आहे. सार्वजनिक स्वरुपात महिलेला मारहाण करणं योग्य नसल्याचं अनेकांनी म्हटलं आहे.

मिळालेल्या माहितीनुसार, दरभंगामध्ये प्रसिद्ध श्यामा माई मंदिराताच्या परिसरात एक पुजारी महिलेला मारहाण करीत होते. त्यानंतर कोणीतरी त्यांचा व्हिडीओ शूट केला. यावेळी पुजारी महिलेला शिव्याही देत असल्याचं सांगितलं जात आहे.

या प्रकरणात महिलेने तक्रार केली आहे की नाही याबाबत अद्याप माहिती समोर आलेली नाही. मात्र व्हिडीओ व्हायरल झाल्यानंतर मंदिर समितीने कारवाई करीत पुरोहित पदावरुन हटवलं आहे.

ही घटना दोन दिवसांपूर्वी असल्याचं सांगितलं जात आहे. सांगितलं जात आहे की, पीडितेने जोर देऊन मंदिराच्या आत जाण्याचा प्रयत्न केला होता. मात्र कोरोना काळात मंदिरात प्रवेश बंदी आहे. याबाबत पुजारी आणि महिलेमध्ये वाद झाला होता.

पुजारीने महिलेचे केस पकडले आणि तिला मारलं. या प्रकरणात मंदिर समितीचं म्हणणं आहे की, जे काही झालं ते अत्यंत दुखद असून अयोग्य आहे. या प्रकरणात पुजाऱ्याकडून स्पष्टीकरण मागण्यात आलं आहे.

सध्या समितीने पुजारीला हटवलं आहे. आणि संपूर्ण प्रकरणाचा तपास करीत आहेत. संपूर्ण घटनेमागे महिलेला जबाबदार ठरवलं जात आहे. मात्र कोणत्याही महिलेला अशी मारहाण करणं योग्य नाही.