बीटरूटच्या सालीपासून बनवा या टेस्टी डिशेस, फेकण्यापूर्वी एकदा नक्की वाचा

तुम्हाला हे जाणून आश्चर्य वाटेल की, तुम्ही बीटरूटच्या सालीपासूनही अनेक स्वादिष्ट पदार्थ तयार करू शकता. स्वयंपाकात बीटरूटच्या साली वापरण्याच्या पद्धती जाणून घेऊया.

बीटरूट कबाब : तुम्ही बीटरूटच्या सालीपासून चविष्ट कबाब तयार करू शकता. यासाठी बीटरूटची साल चांगली बारीक करून घ्यावी. आता ते कबाबच्या रेसिपीमध्ये मिसळा. यामुळे तुमचे कबाब खूप चविष्ट होईल.

बीटरूट ज्युस : हिवाळ्यात बीटरूटचा ज्युस खूप फायदेशीर असतो. तसेच आपण बीटरूटच्या सालीपासूनही ज्युस तयार करू शकता. यासाठी बीटरूट ज्यूस बनवताना त्यात सालेही टाका.

बीटरूट पुडिंग : बीटरूटच्या सालीपासून तुम्ही स्वादिष्ट हलवा तयार करू शकता. यासाठी बीटरूटची साल किसून घ्या, नंतर त्यापासून हलवा बनवा. यानंतर हलव्याला ड्रायफ्रुट्सने सजवा आणि सर्व्ह करा.

बीटरूट सॉस : तुम्ही बीटरूटच्या सालीपासून गोड आणि आंबट सॉस देखील बनवू शकता. यासाठी कढईत पाणी घ्या. आता 1 कप बीटरूटची साल आणि 1 बीटरूट पाण्यात शिजवा. नंतर हे मिश्रण थंड करून एकजीव करा. आता त्यात मीठ, लिंबू, आले आणि जिरे मिसळा. तुमचा सॉस तयार आहे.

बीटरूट सॅलड : तुम्ही बीटरूटच्या सालीचा वापर सॅलडमध्येही करू शकता. यासाठी बीटरूट धुवून त्याची सालासह कापून घ्या. आता त्यावर लिंबाचा रस आणि चाट मसाला टाका, तुमचे सॅलड तयार आहे.

बीटरूट चिप्स : बीटरूटच्या सालीपासूनही तुम्ही चिप्स बनवू शकता. यासाठी बीटरूटची साल बेकिंग ट्रेमध्ये ठेवा. आता या सालींवर मीठ, काळी मिरी पावडर आणि ऑलिव्ह ऑईल टाकून ओव्हनमध्ये ठेवा. ओव्हनमध्ये 350 डिग्री तापमानावर 15 मिनिटे भाजून घ्या. तुमचे चिप्स तयार होतील.